JOSUÉ 3:16 - Biblia Guarani Tumpa Iñee

¹⁶ jare ɨ ou ɨvate kotɨ güi vae opa opɨta meteia pe mombɨrɨ tëta Adam güi, tëta Saretán iyɨpɨ pe oï vae; jare ɨ ogüeyɨ Arabá, Ɨguasu Jembochɨ vae kotɨ vae opa tɨpa. Jökorai ɨ oyemboyao; jare opaete vae oasa Jericó oïa re katu.

JOSUÉ 3:16 ပူးပေါင်းရင်းမြစ်များ

GÉNESIS 14:3

Kuae pandepo mburuvicha oyomboatɨ ɨvɨtɨ päu ipe kavi vae Sidim pe, jae ko Ɨguasu Jembochɨ vae jembeɨ pe.

1 REYES 4:12

Baana, Ahilud taɨ oï mburuvicharä Taanac, Meguido jare opaete Bet-seán, Saretán iyɨpɨ peño güɨnoi vae, Jezreel güi ɨ́vɨkotɨ, Bet-seán güive Abel-mehola kotɨ, Jocmeam kutɨ;

1 REYES 7:46

Mburuvicha guasu omondɨkuiuka oyapo ɨvɨkuitï pegua molde pe Jordán pe, Sucot jare Saretán ipäu pe.

SALMOS 114:3

Ɨguasu oecha yave Israel iñemuña reta, otekuarai ɨguasu, jare ɨ̈aka Jordán, oñemoata jaɨkue kotɨ.

SALMOS 114:5

¿Maratu pa ɨguasu, maera pa retekuarai? ¿Maratu pa ɨ̈aka Jordán, maera pa reñemoata nderaɨkue kotɨ?

SALMOS 29:10

YandeYa güɨnoi mbaepuere güeru vaerä ɨporu guasu; ¡yandeYa oiko mburuvicha guasurä jekuae avei pegua!

SALMOS 33:7

Jae omboatɨ ɨ reta ɨguasurä, oñono jenda pe ɨguasu reta tɨpɨ yae vae.

SALMOS 66:6

Omboyao ɨguasu jare omotini, ñaneñemuñagüe reta oasa ipɨ re ɨ̈aka; jáeramo, ¡yayerovia jese!

SALMOS 74:15

Reipea ɨesaɨ jare ɨ̈aka, rembondɨpa ɨ̈aka tɨpambae yepi vae.

SALMOS 77:19

Ɨguasu rupi oï nderape; reasa jeta ɨ reta, ërei mbaetɨ kia oväe nderaɨkuere.

SALMOS 78:13

Omboyao ɨguasu, jare güɨroasa reta mbɨte rupi, ovapetea rami ɨ oyemboatɨ opɨta.

ÉXODO 14:21

Jayave Moisés güɨropövee ipopoka ɨguasu re, jare jókuae pɨ̈tu yandeYa ombou ɨvɨtu täta yae vae kuaraɨ oëa kotɨ güi ombosɨrɨ vaerä ɨ oyougüi jare otini, jökorai ɨ oyemboyao opɨta.

ÉXODO 14:22

Jare Israel iñemuña reta oike ɨguasu ipäu otinía rupi, jare ɨ opüa ovapetea rami jae reta iyakatu kotɨ jare iyasu kotɨ.

ÉXODO 14:29

Israel iñemuña reta yogüɨraja ɨguasu ipäu otinía rupi; jare ɨ opüa ovapetea rami jae reta iyakatu kotɨ jare iyasu kotɨ.

ÉXODO 15:8

Nepɨ̈túe rupi oyemboatɨ ɨ; ɨaparúa reta oyemboatɨ meteia pe ovapetea rami; ɨguasu tɨpɨ yae vae opa ñasusu iyɨvɨte rupi.

ISAÍAS 50:2

¿Maera pa ayu yave, mbaetɨ etei kia aväe chupe? ¿Maera pa aporoenɨi tëi yave, mbaetɨ kia ave omoë iñee? Jae reta iyemongeta pe, mbaetɨ potaecha ndipo aepɨ reta, mbaetɨ potaecha ndipo chepuere ayora reta iyeupe. Cheñee peño ko opa amondɨpa ɨguasu jare ɨ̈aka reta opa amotini; jevae ɨ rupigua reta opa omano ɨ oata jeko pegua.

EZEQUIEL 47:8

Javoi jei cheve: “Kuae ɨ ojo kuaraɨ oëa kotɨ, ogüeyɨta Arabá kotɨ jare ojota Ɨguasu Jembochɨ vae pe; joko pe oa ojo yave, jókuae ɨguasu ikavita yau vaerä.

NAHUM 1:4

Oñeengata ɨguasu pe jare opa omotini. Opa omotini opaete ɨ̈aka. Basán pegua ko reta jare ɨvɨtɨ Carmelo opa otini, Líbano pegua mbaepotɨ reta opa ipiru.

HABACUC 3:8

CheYa, ¿ndearasɨ pa ɨ̈aka reta kotɨ? ¿Ndearasɨ pa ɨguasu reta kotɨ? ¿Jaerä pa repo ndekavayu reta re jare reyeupi nekäretou pe ñeraro regua rami?

NÚMEROS 34:3

Arayevɨ kotɨ, ñuu Zin güive ojoita oväe ɨvɨ Edom jembeɨ re; kuae oyemboɨpɨta arayevɨ kotɨ güi, Ɨguasu Jembochɨ vae güi kuaraɨ oëa kotɨ,

DEUTERONOMIO 1:1

Jae ko kuae ñee reta Moisés jei opaete Israel iñemuña reta pe, Jordán güi kuaraɨ oëa kotɨ ñuu Arabá pe, Ɨguasu Pɨ̈ta vae jóvai; ɨvɨ Parán, Tofel, Labán, Hazerot jare Dizahab ipäu pe.

DEUTERONOMIO 3:17

Jaeramiño vi amee ɨvɨ Arabá, Jordán güɨnoi jókuae ɨvɨ jembeɨrä; oyemboɨpɨ Ɨguasu Cineret güive Ɨguasu Jembochɨ vae, jare ɨvɨtɨ Pisga re kuaraɨ oëa kotɨ.

JOSUÉ 12:3

jare ɨvɨpe kavi Arabá güive Ɨguasu Cineret kotɨ, kuaraɨ oëa kotɨ; Ɨguasu Jembochɨ vae kuaraɨ oëa kotɨ, Bet-jesimot tape ojoa rupi jare arayevɨ kotɨ ɨvɨtɨ Pisga igüɨ pe.

JOSUÉ 15:2

arayevɨ kotɨ jembeɨ oï vae jae ko ɨguasu Jembochɨ vae jembeɨ güive, ɨguasu oyemboɨpɨ arayevɨ kotɨgua vae güive,

JOSUÉ 16:7

Janoa güi ogüeyɨ Atarot jare Naarat kotɨ, jare ojo oya Jericó re, javoi oë ɨ̈aka Jordán kotɨ.

JOSUÉ 3:13

Jare sacerdote reta, yandeYa opaete ɨvɨ iya ikäjou güɨraja vae reta ipɨ ñäkɨ ma yave, ɨ̈aka Jordán pegua ɨ oyemboyaota; echa ɨvate kotɨ güi ɨ ou vae oyemboatɨta meteia pe.”

JOSUÉ 4:22

Pemiarita chupe reta kërai peasa kuae ɨ̈aka Jordán otini vae rupi.

JOSUÉ 5:1

Opaete mburuvicha guasu, amorreo reta juvicha reta ɨ̈aka Jordán güi kuaraɨ oikea kotɨ ñogüɨnoi vae reta jare opaete mburuvicha guasu Canaán pegua reta, köiño yogüɨreko ɨguasu güi vae reta oendu kërai yandeYa opa omondɨpa ɨ̈aka Jordán Israel iñemuña reta opa oasa regua yave, okɨɨye yae reta, mbaetɨ oñemokɨ̈reɨ reta oñeraro vaerä Israel iñemuña reta ndive.

JUECES 7:22

Jare jókuae tresciento vae reta jeiete omoñee mimbɨguasu. Jare yandeYa omoñerarouka oyoupii aeño opaete teyupa pegua reta. Jare tovaicho reta otekuarai yogüɨraja regua oväe Bet-sita kotɨ, Zerera re katu, Abel-mehola jembeɨ pe, Tabat pe.