JOSUÉ 3:11 - Biblia Guarani Tumpa Iñee

¹¹ Mase, käjou morogüɨrökuavee päve pegua, yandeYa opaete ɨvɨ iya imbae oasata perenonde ɨ̈aka Jordán.

JOSUÉ 3:11 ပူးပေါင်းရင်းမြစ်များ

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

JOB 41:11

¿Oñeñono jóvai vae, oasayepeta ra? ¡Opaete ara igüɨ pe ñogüɨnoi vae, chembae ko!

SALMOS 24:1

YandeYa imbae ko ɨvɨ jare opaete mbaembae oï pɨpe vae, jare opaete yogüɨreko pɨpe vae.

SALMOS 97:5

Ɨvɨtɨ guasu reta tɨkui iraitɨ rami yandeYa jóvai, kuae ɨvɨ iya jóvai.

ISAÍAS 3:12

Tëta chembae vae pe oiporarauka reta vae, kunumi retaño ko; jare kuña reta ko ñogüɨnoi mburuvicharä jese. Tëta chembae vae, nderuvicha reta ndembotavɨ, ndereroata ïkotɨa rupi.

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

JEREMÍAS 10:7

Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

MIQUEAS 4:13

¡Tëta guasu Sión, epüa jare embaembopiriri!, echa Tumpa jei: “Roapota toro ipɨ̈rata yae vae rami, toro jäti jiero rami jare ipɨ̈sa jiero iyu vae rami; remoamɨri vaerä jetagüe tëta guasu reta, jare reñono teeta cheve, jae reta opɨ̈rogüe, imbaeyekou reta reñono teeta opaete ɨvɨ iYa pe.”

SOFONÍAS 2:11

YandeYa ngaraa ipïri jese reta. Opata omboai tumpa-raanga reta jókuae ɨvɨ pegua, jare opaete vae tëtaguasu omboeteta, ɨguasu ipäu pegua reta ave.

ZACARÍAS 14:9

YandeYa oïta mburuvicha guasurä opaete ɨvɨ re, jókuae ara yandeYa jaeño oïta, jare jee meteiñota vi.

ZACARÍAS 4:14

Jare jae jei: “Kuae ko jae mókoi oñeñono tee oyeokuai vaerä yandeYa pe ɨvɨ iyapoa pe.”

ZACARÍAS 6:5

Jare araɨgua jei cheve: “Kuae jae ko irundɨ ɨvɨtu reta oë yandeYa opaete ɨvɨ iya jóvai güi vae.

DEUTERONOMIO 9:3

Añave peikuaata yandeYa Tumpa ko ojo perenonde vae, jae ko tata opaetei oapɨ mbae oeya vae rami, jae ko omboaita jare omoamɨrita peróvai. Pe pemoëta pemombo jare pemboaita ɨmambae pegua, yandeYa güɨrökuavee peve rami.

JOSUÉ 3:13

Jare sacerdote reta, yandeYa opaete ɨvɨ iya ikäjou güɨraja vae reta ipɨ ñäkɨ ma yave, ɨ̈aka Jordán pegua ɨ oyemboyaota; echa ɨvate kotɨ güi ɨ ou vae oyemboatɨta meteia pe.”