JOSUÉ 24:31 - Biblia Guarani Tumpa Iñee

³¹ Israel iñemuña reta oyeokuai yandeYa pe, Josué oikove oiko ramboeve jae reta ndive, jare jaɨkue rupi opaete ndechi reta Josué güi ɨma yogüɨreko vae reta, oikuaa opaete yandeYa oyapo mbaembae Israel iñemuña reta ndive vae.

JOSUÉ 24:31 ပူးပေါင်းရင်းမြစ်များ

GÉNESIS 14:10

Jókuae ɨvɨtɨ päu Sidim rupi jeta yae mbae ipomoasɨ ɨvɨ yasuru vae rami vae; jare mburuvicha Sodoma pegua jare Gomorra pegua isundaro reta ndive otekuarai tëi yave jovaicho reta güi oasavi pɨpe amogüe, ërei ïru reta otekuarai kaa kotɨ.

2 CRÓNICAS 24:2

Joás oyapo jupi rupi yandeYa jesa róvai opaete ara sacerdote Joiada oikove oiko ramboeve.

2 CRÓNICAS 34:33

Josías omboai opaete Israel iñemuña reta ñogüɨnoia rupi ikavimbae yae oyeapo vae reta, jare jei opaete Israel pe ñogüɨnoi vae reta pe omboete vaerä yandeYa Tumpa. Jare jae oikove oiko ramboeve mbaetɨ osɨrɨ reta yandeYa, iñemuñagüe reta iTumpa güi.

Hechos 20:29

Che aikuaa katu ko aja ma yave, oiketa pepɨte pe aguarayaɨmba rami vae reta, jae reta ikɨ̈reɨta opa omokañɨtei oporogüɨrovia vae reta.

DEUTERONOMIO 11:2

Peikuaa añave yandeYa Tumpa iporombosɨmbi re, peraɨ reta mbaetɨ oikuaa jare mbaetɨ vi oecha. Peikuaa yandeYa Tumpa iporonupa, tuicha yae vae, imbaepuere yae vae jare ipo oporoiämondo yae vae,

DEUTERONOMIO 11:7

Pe reta etei ko peecha opaete mbaembae tuichagüe yandeYa oyapo vae.

DEUTERONOMIO 31:13

Jökorai peraɨ reta mbaetɨ oikuaa kuae regua vae toendu jare toyemboe reta toipoɨu yandeYa Tumpa güi, opaete ara oikove yogüɨreko ramboeve, yogüɨreko yave jókuae ɨvɨ peasata peo peiko pɨpe vae pe, kuae ɨ̈aka Jordán peasa ma yave.”

DEUTERONOMIO 31:29

Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”

Filipenses 2:12

Jáeramo, cherɨvɨ poaɨu vae reta. Peyapo avei che jae peve peyapo vaerä vae rami, peyapo yepe tëi añave mbaetɨ aï pe ndive. Peñemoäta ngatu yae yemboasa penoi vae rupi peipoɨu pemboete reve;

JUECES 2:10

Jare opa vi omano Israel iñemuña reta Josué iyaveigua. Jare jaɨkue rupi oñemuña vae reta mbaetɨ oikuaa yandeYa, mbaetɨ vi oikuaa reta opaete mbaembae oyapo Israel iñemuña peguarä vae.

JUECES 2:6

Josué omondo ma Israel iñemuña reta yave, opa yogüɨraja metei ñavo iɨvɨ ae ae rupi yogüɨreko.

JUECES 2:7

Josué oikove ramboeve, opaete vae reta oyeokuai kavi yandeYa pe, jare opaete Josué iyaveigua tenondegua vae reta oikoveño vae reta jovake, jókuae oecha opaete mbae tuichagüe yandeYa oyapo Israel iñemuña reta peguarä vae.