JOSUÉ 24:27 - Biblia Guarani Tumpa Iñee

²⁷ javoi jei opaete vae pe: —Kuae ita toiko yandemomaendúa vaerä echa oendu rami ko opaete ñee reta yandeYa ñanemomiari vae. Toiko pemomaendúa vaerä, agüɨye vaerä peapu peTumpa pe.

JOSUÉ 24:27 ပူးပေါင်းရင်းမြစ်များ

JOB 31:23

Che akɨɨye Tumpa iporonupa güi; ngaraa chepuere aropɨa jae oñonogüe.

JOB 31:28

Kuaekuae reta jupi ko oñejäauka vaerä, ¡echa aröɨrota tëi ko viña Tumpa ara pe oï vae!

PROVERBIOS 30:9

güɨramoi cherɨ̈vɨata ete yave rokuaku jare jae: “¿Kia pa jae YandeYa?” Ani cheparavete ete yave, amanaro, jare cheñeenguru ndekotɨ.

ISAÍAS 1:2

Peyeapɨsaka, ara jare ɨvɨ, echa yandeYa jei: “Ambokuakuaa cheraɨ reta, ambotuicha reta, ërei jae reta oyembopɨapochɨ chekotɨ.

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

HABACUC 2:11

Ita reta tëta guasu oñekëse pɨpe vae reta ave oñeapota nderé.

NÚMEROS 11:20

metei yasɨ kavi etei ko peuta, jae jaeño peau regua jare peyuguaru chugüi regua, peröɨro peYa pe ndive oiko vae jeko pegua, jare peyaeo jóvai pere reve: “¿Maera ra yayu kuae kotɨ Egipto güi?”

San Mateo 10:33

Ërei kia nunga vae chekuaku yave ïru vae reta jóvai, che vi aikuakuta cheRu ara pe oï vae jóvai.

San Lucas 19:40

Ërei Jesús jei chupe reta: —Che jae peve, kuae reta kïrii yave, jupiveiño ita reta osapukaita.

DEUTERONOMIO 30:19

Ara jare ɨvɨ jovake añave aikuaauka peve, kërai añono peróvai tekove jare mano, mborerekua jare yepopeyu; peiparavo añave tekove, peikove vaerä pe jare peñemuña reta;

DEUTERONOMIO 31:19

Añave, peikuatía kuae tairari, jare pemboe jese Israel iñemuña reta, otairari reta vaerä, jare jókuae tairari timiari cheré Israel iñemuña reta pe.

DEUTERONOMIO 31:21

Ërei ou ma jeta ikavimbae jare mbɨatɨtɨ chupe reta yave, jayave kuae tairari jeita chupe reta etei cheregua, echa iñemuña reta imaenduata jese jare otairari retata; echa che aikuaa voi ma iyemongeta ndei aroike reta mbove jókuae ɨvɨ pe.”

DEUTERONOMIO 31:26

“Peipɨɨ kuae tembikuatía mborookuai reta oyekuatía oï pɨpe vae, jare peñono yandeYa Tumpa ikäjou morogüɨrökuavee päve pegua iyɨpɨ pe, jare toï joko pe ïru vae reta pe oikuaauka vaerä peregua.

DEUTERONOMIO 32:1

“Eyeapɨsaka ara, amoëta cheñee; jare ɨvɨ, eyeapɨsaka cheñee reta re.

DEUTERONOMIO 4:26

ara jare ɨvɨ jovake tae peve, jarembae pekañɨta ɨvɨ peasata pepɨ̈ro pembaerä vae güi. Mbaetɨta ɨma peiko jókuae ɨvɨ pe, jarembaeño peyemboaiukata.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

JOSUÉ 22:34

Rubén jare Gad iñemuña reta ombojee jókuae mɨmba oyeyuka oyeapɨ jese vae iä Ed, echa jei reta: “Kuae mɨmba oyeyuka oyeapɨ jese vae toiko yandeve yandemomaendúa vaerä yandeYa jae ko Tumpa vae.”

JOSUÉ 24:28

Jaɨkue rupi Josué omondo opaete vae metei ñavo iɨvɨ ae ae kotɨ.

Apocalipsis 3:8

‘Che aikuaa opaete reyapogüe reta. Mase, ko añono nderóvai öke oyepea oï vae, mbaetɨ kia ipuere oyokenda vae. Echa renoi tëi michi nepɨ̈rata, ërei reyapo che jae vae jare mbaetɨ chekuaku.

1 SAMUEL 7:12

Javoi Samuel oipɨɨ metei ita jare oñono Mizpa jare tëta Sen jee vae ipäu pe, jare ombojee Eben-ezer, jei reve: “Kuae ara jekuaeñoi yandeYa yandemborɨ.”