JOSUÉ 24:24 - Biblia Guarani Tumpa Iñee

²⁴ Jare opaete vae jei Josué pe: —YandeYa Tumpa peño toroyeokuai jare toroyapo jae oreokuai vae.

JOSUÉ 24:24 ပူးပေါင်းရင်းမြစ်များ

2 CRÓNICAS 15:14

Jare osapúkai reve jei reta Tumpa jee re yandeYa pe, mimbɨguasu jare vecha kuimbae-räti omoñee reta reve.

ÉXODO 19:8

Jare opaete vae metei rami jei: —Opaete yandeYa jei vae royapota ko. Jare Moisés güɨraja omombeu yandeYa pe kuae tëta iñee,

ÉXODO 24:3

Jare Moisés ou omombeu Israel iñemuña reta pe, opaete yandeYa iñee reta jare opaete mborookuai reta; jare opaete reve metei rami jei reta Moisés pe: —¡Toroyapo opaete yandeYa jei vae!

ÉXODO 24:7

Jare oipɨɨ tembikuatía morogüɨrökuavee päve regua oï pɨpe vae, jare omongeta opaete vae reta pe, jare jae reta jei: —Toroendu jare toroyapo opaete mbae yandeYa jei vae.

JEREMÍAS 42:6

Güɨramoi, ikavi ani mbaetɨ ikavi oreve jae jei vae, royókuai reyerure vaerä chupe, royapota yandeYa Tumpa jei vae, roiko kavi vaerä.