JOSUÉ 24:20 - Biblia Guarani Tumpa Iñee

²⁰ Pe pesɨrɨ yave yandeYa güi jare peyeokuai yave tumpa ambuae reta pe, jae oyapota ikavimbae vae peve jare opata pemokañɨtei jeta ma ikavi vae oyapo peve tëi reve.

JOSUÉ 24:20 ပူးပေါင်းရင်းမြစ်များ

1 CRÓNICAS 28:8

‘Añave, opaete Israel jovake, kuae yandeYa imbae oyemboatɨ vae reta, jare ñaneTumpa oyeapɨsaka yanderé vae jóvai peñovatu kavi jare peyapo opaete yandeYa Tumpa iporookuai, peiko avei vaerä kuae ɨvɨ kavi pe javoi pepuere peeya kuri peraɨ reta peguarä jekuae avei pegua.

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

ESDRAS 8:22

Echa che chemara aiporu mburuvicha guasu pe sundaro reta kavayu regua reta oreangareko vaerä tape rupi tovaicho reta güi, echa roe ko mburuvicha guasu pe: “Tumpa oepɨ ko opaete oyeko jese vae, ërei iyarasɨ jare imbaepuere oï ko mbaetɨ oyeko jese vae reta re.”

SALMOS 89:31

Omboeteä reta cheporookuai jare mbaetɨ oyapo reta yave,

ISAÍAS 1:28

ërei oyembopɨapochɨ chekotɨ vae reta jare iyoa vae reta opata oñemokañɨtei, jare oyembosɨrɨ chegüi vae reta opata omano.

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

JEREMÍAS 17:13

CheYa Tumpa, nde jae ko Israel iyeroviaka. Opaete ndereeya vae imarata ko. Opaete oyembosɨrɨ ndegüi vae, okañɨta metei kuimbae jee oyekuatía ɨvɨkúi re rami, echa ndereeya, nde ɨesaɨ osɨrɨ vae.

EZEQUIEL 18:24

Ërei jupi vae opia yave jupi oyapo oiko vae güi, jare jae oyapo ikavimbae yae vae iyoa vae reta oyapo vae güi yave, ¿perovia pa oikoveñota? Che ngaraa ma chemaendúa opaete ikavi vae oyapogüe re. Oyapo jupimbae jare iyoa jeko pegua omanota.

Hechos 7:42

Jáeramo Tumpa oyerova chugüi reta, jare omaeño omboete reta vaerä opaete ara ipo reta. Echa ñeemombeúa reta jembikuatía pe oyekuatía oï körai: “¿Cheve yera pemee mɨmba peyukagüe reta cuarenta año ñuu rupi peiko ramboeve, Israel iñemuña reta?

DEUTERONOMIO 4:25

Oime ma peraɨ jare perɨmɨmino yave, jare pendechi ma jókuae ɨvɨ pe yave, peyapo yave oipotagüe mbae iä, peyapo ikavimbae yandeYa Tumpa jóvai pemboarasɨuka vaerä yave,

DEUTERONOMIO 4:26

ara jare ɨvɨ jovake tae peve, jarembae pekañɨta ɨvɨ peasata pepɨ̈ro pembaerä vae güi. Mbaetɨta ɨma peiko jókuae ɨvɨ pe, jarembaeño peyemboaiukata.

Hebreos 10:38

Tumpa ombojupi vae güɨnoita tekove oporogüɨrovia ramo; ërei oime yave kia opia, ngaraa chemboyerovia.”

JOSUÉ 24:21

Jayave opaete vae jei Josué pe: —Mbaetɨ ko jökorai. Ore royeokuaita ko yandeYa peño.

1 SAMUEL 12:15

Ërei mbaetɨ peyapo yandeYa iporookuai yave, peñeereenduä yandeYa kotɨ yave, jae oiporaraukata peve jare peruvicha guasu pe, peñemuñagüe reta pe oiporarauka rami.

1 SAMUEL 12:25

Ërei ngatu peapɨäño yave peyapo ikavimbae, pekañɨteita peruvicha guasu ndive.