JOSUÉ 24:19 - Biblia Guarani Tumpa Iñee

¹⁹ Ërei Josué jei chupe reta: —Ngaraa pepuere peyeokuai yandeYa pe, echa jae ko Tumpa Iyoambae jare jägüɨro jembiparavo re vae; ngaraa güɨropɨa pepɨapochɨ reta jare peyoa reta.

JOSUÉ 24:19 ပူးပေါင်းရင်းမြစ်များ

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

SALMOS 99:3

Toyemboete jee, kɨɨyea yae vae jare tuicha yae vae. ¡Tumpa ko Iyoambae!

SALMOS 99:5

¡Pembotuicha yandeYa Tumpa, peyetavatɨka petindɨasi reve jóvai! ¡Tumpa ko Iyoambae!

SALMOS 99:9

Pembotuicha yandeYa Tumpa, ¡peyetavatɨka chupe iɨvɨtɨ oñeñono tee vae jóvai! ¡YandeYa Tumpa ko Iyoambae!

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

ÉXODO 23:21

Agüɨye pesɨrɨ chugüi, peendu iñee; agüɨye pepɨarai chupe, echa jae ngaraa iñɨ̈ro peve pepɨarai vae re, echa cherekovia pe jae oï.

ÉXODO 34:14

Agüɨye pemboete ïru tumpa, echa che peYa, jee ko Jägüɨro vae, Tumpa jägüɨro vae ko.

ÉXODO 34:7

Jeta ñemuña reta re iporoparareko vae, iñɨ̈ro ikavimbae iyapoa pe, ipɨarai vae pe, mbaeyoa iyapoa pe, ërei mbaetɨ oeya jekombae rami mbae pɨ̈chɨi iyapoa, echa ko iñemuñagüe reta imbaeyavɨ oiporarata taɨ reta, jɨmɨmino reta, jɨmɨmino taɨ reta jare jɨmɨmino reta jɨmɨmino.

ISAÍAS 2:9

Kuimbae oyetavatɨka itindɨ reve ombaemboete, oñemomichi reta tumpa-raanga reta kotɨ. ¡Agüɨye neɨ̈ro chupe reta!

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

ISAÍAS 30:11

Peeya jupi vae, peyembosɨrɨ jókuae güi, agüɨye peyapo jókuae, agüɨye peñono oreróvai Iyoambae Israel pegua.”

ISAÍAS 30:15

YandeYa Tumpa, Iyoambae Israel pegua jei: “Pepɨagüiveño, agüɨye peyembokepegua, jare peasayepeta ko, echa jayave ko oime mɨ̈rata.” Ërei pe reta mbaetɨ peipota,

ISAÍAS 5:16

YandeYa Imbaepuere yae ete vae oyembotuichaukata iporojäa rupi; Tumpa Iyoambae oechaukata iyoambae ko vae, jupi vae oyapogüe rupi.

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

LEVÍTICO 11:44

Echa che ko jae peYa Tumpa; jáeramo peñeñono tee jare peiko tee mbaeyoa güi, echa che ko iyoambae. Jáeramo agüɨye peyemongɨa kuae mɨmba reta ipɨtía re oguata vae rupi.

LEVÍTICO 11:45

Echa che ko jae peYa pogüɨnoeuka ɨvɨ Egipto güi vae, aiko vaerä peTumparä. Jáeramo peiko tee mbaeyoa güi, echa che ko iyoambae.’

LEVÍTICO 19:2

“Ere opaete Israel iñemuña reta pe: Peiko tee peyoambae, echa che peYa Tumpa iyoambae ko.

LEVÍTICO 20:26

Peyoambae peiko cheve, echa che peYa iyoambae ko, che ko poparavo ïru tëta reta güi, peiko vaerä chembaerä.

LEVÍTICO 20:7

Peñeñono tee cheve, jare peiko iyoambae, echa che ko peYa Tumpa.

NAHUM 1:2

YandeYa jae ko Tumpa jägüɨro imbae vae reta re vae jare omboekovia vae; omboekovia, ikotɨ oyovaicho vae reta pe, jare iyarasɨ jovaicho reta kotɨ.

HABACUC 1:13

Ikɨa vaeä ko nde remae vaerä ikavimbae re jare ndepɨakatu vaerä jese; jayave, ¿maera pa remaeño oporoyuka vae reta re, jare kïriiño remae jeko kavimbae vae reta re omboai yave jeko ikavi chugüi vae reta?

San Mateo 6:24

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Ngaraa pepuere peyeokuai päve Tumpa pe ani mbaeyekou pe.

JOSUÉ 24:18

YandeYa ko güɨnoe omombo orerenonde güi opaete tëta reta, jare amorreo reta kuae ɨvɨ pe yogüɨreko vae. Ore royeokuaita vi yandeYa pe, echa jae ko oreTumpa.

JOSUÉ 24:23

Josué jei chupe reta: —Jayave pemombo peyeugüi opaete tumpa ambuae reta pepɨte pe oime penoi vae jare peyerova opaete pepɨa ndive yandeYa Israel iTumpa kotɨ.

RUT 1:15

Jare Noemí jei chupe: —Mase, ko chemembɨtatɨ oyerova ye ma jëta kotɨ jare itumpa reta kotɨ; nde ekua vi jaɨkue.

1 SAMUEL 3:14

Jáeramo, che amombeu kavi voi cheree re Elí iñemuña reta pe, kërai imbaeyoa reta ngaraa mai oyemboai, mɨmba oyeyukagüe reta pe ave ani mbota reta pe ave.

1 SAMUEL 6:20

Jayave Bet-semes pegua reta jei: “¿Kia pa ipuere oï yandeYa Tumpa iyoambae jóvai? ¿Ketɨ pa yamondota Tumpa ikäjou yandegüi?”