JOSUÉ 24:15 - Biblia Guarani Tumpa Iñee

¹⁵ Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

JOSUÉ 24:15 ပူးပေါင်းရင်းမြစ်များ

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

GÉNESIS 35:2

Jayave Jacob jei opaete jo pegua reta pe, jare opaete jae ndive ñogüɨnoi vae reta pe: —Peekɨ opaete tumpa ambuae oï pepɨte rupi vae, jare peyetɨo jare peipoepɨ peremimonde.

1 REYES 18:21

Jayave Elías oya katu opaete yatɨ vae reta re, jare jei: —¿Kërai regua pa jekuaeñota peiko mókoi yemongeta ndive? YandeYa ko Tumpa yave, peguata jupieño; ani Baal ko yave, peguata jupieño. Jare opaete vae reta mbaetɨ iñee omoë.

1 CRÓNICAS 1:14

Canaán güi oñemuña jebuseo reta, amorreo reta, gergeseo reta,

SALMOS 101:2

taikuaa kërai sɨmbi rupi taiko, reyu chépɨri yave. Sɨmbi rupi kavi taiko chero pe;

SALMOS 119:106

Añererökuavee nderee re, jare jae, ¡ayapota ndeporookuai reta!

ÉXODO 23:2

Agüɨye peyeko jeta vae reta iyemongeta reño, ikavimbae oyeapo vaerä. Teko peñono kavi yave, agüɨye peyererajauka jeta vae reta jeia re, peepɨ vaerä jeko jupimbae;

ÉXODO 23:24

Agüɨye petindɨ jae reta itumpa jóvai, agüɨye peyeokuai chupe reta, agüɨye ave peyapo jae reta oyapo rami, opa pemboai chugüi reta, opaetei peyoka chugüi reta mbae iä oyapogüe.

ÉXODO 34:15

Jáeramo agüɨye peyapo ñemoïru jókuae ɨvɨ pe yogüɨreko vae reta ndive, agüɨye vaerä pemboete itumpa reta, echa omee reta yave itumpa reta pe mbota, opareata peve peu vaerä mɨmba oyeyukagüe, itumpa reta pe omee vae;

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

DANIEL 3:18

Ërei mbaetɨ ko orereepɨ yave, eikuaa voi eï oreruvicha guasu; jeseve ngaraai royeokuai netumpa reta pe, ngaraai vi romboete jókuae mbae iä remopüaukagüe.

LEVÍTICO 14:42

Jare togüeru ïru ita reta, jare toñono ita reta oyeekɨ vae jendagüe pe; jare toyapo ïru tuyuapo ipɨau vae oyapete ye vaerä oguambɨ pɨpe.

MIQUEAS 4:5

Yepe tëi opaete ïru vae reta metei ñavo yogüɨreko itumpa re aeño; ërei ore, opaete reve roikota oreYa Tumpa re aeño, iyapɨmbae, jekuae avei pegua.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

DEUTERONOMIO 13:7

tëta reta ndeɨvɨrigua, köiño vae ani mombɨrɨ ndegüi vae itumpa reta, ɨvɨ jembeɨ güive ïru jembeɨ pe,

DEUTERONOMIO 29:18

Agüɨye toime pepɨte pe kuimbae ani kuña yepe, ani metei tëtara, ani metei ñemuña ipɨa opia añave yandeYa güi vae, omboete vaerä kuae tëtaguasu reta itumpa-raanga reta. Agüɨye toime pepɨte pe kia nunga vae metei temitɨ iro ani imbayachi vae rami vae.

JOSUÉ 24:16

Jayave opaete vae jei: —¡Ngaraa romboete ïru tumpa reta yandeYa güi!

JUECES 6:10

Jare jae ko peve reta, che ko jae peYa Tumpa, agüɨye pekɨɨye amorreo reta itumpa reta güi iɨvɨ pe añave peï vae; ërei pe reta mbaetɨ peyapo che jaegüe.’ ”