JOSUÉ 24:14 - Biblia Guarani Tumpa Iñee

¹⁴ Añave, pemboete yandeYa, peyeokuai chupe jupi rupi jare mboromboete rupi. Pemombo peyeugüi tumpa ambuae reta peñemuñagüe reta oyeokuai chupe ɨ̈aka Eufrates jovaicho kotɨ vae, jare Egipto pe vae, jare peyeokuai yandeYa pe.

JOSUÉ 24:14 ပူးပေါင်းရင်းမြစ်များ

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 35:2

Jayave Jacob jei opaete jo pegua reta pe, jare opaete jae ndive ñogüɨnoi vae reta pe: —Peekɨ opaete tumpa ambuae oï pepɨte rupi vae, jare peyetɨo jare peipoepɨ peremimonde.

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

ESDRAS 9:11

remee nderembiokuai ñeemombeúa reta rupi vae, rere reve: ‘Jókuae ɨvɨ peikota pɨpe vae, jare peipɨɨta pembaerä vae pe yogüɨreko vae reta güɨrokomegua jeko ikavimbae pe, omotɨnɨe reta jókuae ɨvɨ jeko pɨ̈chɨi pe.

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

SALMOS 111:10

YandeYa güi yaipoɨu vae re ko oï arakuaa katu; yarakuaa katu ko, opaete oyapo yandeYa iporookuai reta vae. ¡Tumpa oyemboete aveita ko!

SALMOS 119:1

Oyerovia ko, jupi rupi yogüɨreko vae reta, yogüɨreko yandeYa iporookuai rupi vae reta.

SALMOS 119:80

Taiko jupi rupi kavi ndeporookuai reta rupi, agüɨye vaerä añemomaraiuka.

SALMOS 130:4

Ërei nde ko neɨ̈ro vae, reyemboeteuka vaerä.

SALMOS 81:10

Che ko jae ndeYa Tumpa, ɨvɨ Egipto güi nerenoe vae, eyurupeka jare toromoangapɨɨ.

EZEQUIEL 20:18

Jayave jae taɨ reta pe jókuae ñuu pe, agüɨye vaerä oyapo tu reta oyókuai vae, agüɨye vaerä oñovatu ipɨa pe jókuae mborookuai ani oyemongɨa reta itumpa-raanga reta rupi.

EZEQUIEL 23:3

Egipto pe omboɨpɨ oasa reta kuimbae ndive; taɨrusu güive iyaguasa pota reta; joko pe omaeño opokouka reta iyé.

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

LEVÍTICO 17:7

Jare agüɨye ye mo pemee mɨmba oyeyukagüe aña reta pe, pemboete jeko pegua peñererokomegua, kuae mborookuai jekuae avei pegua toiko peveguarä jare peñemuña reta peguarä.

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

San Lucas 8:15

Ërei jókuae temitɨ oa ɨvɨ kavi pe vae oyembojaanga Tumpa iñee oendu vae re. Kuae reta oyeapɨsaka Tumpa iñee re ipɨa kavi jare sɨmbi rupi kavi, jare oyapo Tumpa iñee jei oyapo vaerä vae. Jáeramo jae reta temitɨ ia avei vae rami ko.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

Efesios 6:24

Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

DEUTERONOMIO 10:12

Añave Israel iñemuña reta, ¿mbae pa oiporu pegüi yandeYa Tumpa? Jaeño peipoɨu yandeYa Tumpa güi, peguata opaete jemimbota rupi jare peaɨu, jare peyeokuai yandeYa Tumpa pe opaete pepɨa ndive, opaete perekove ndive,

DEUTERONOMIO 18:13

Jáeramo peyapo ikavi vaeño yandeYa Tumpa jóvai.

DEUTERONOMIO 6:13

YandeYa Tumpa güi peipoɨu, chupeño peyeokuai, jae jee reño opaete mbae peyapo.

Filipenses 1:10

peikuaa vaerä peiparavo ikavi vae, peiko kavi vaerä, agüɨye vaerä kia pemboeko Cristo ou ye regua;

JOSUÉ 24:2

Jare Josué jei opaete vae pe: —Körai jei yandeYa, Israel iTumpa: “Arakae ete, peñemuñagüe Taré, Abraham jare Nacor tu, yogüɨrekose ɨ̈aka Éufrates jembeɨ pe; jare omboetese reta yepi tumpa ambuae.

JOSUÉ 24:23

Josué jei chupe reta: —Jayave pemombo peyeugüi opaete tumpa ambuae reta pepɨte pe oime penoi vae jare peyerova opaete pepɨa ndive yandeYa Israel iTumpa kotɨ.

1 SAMUEL 12:14

Añave, peipoɨu yandeYa güi yave, peyeokuai yave chupe jare peendu iñee jare peyapo katu yave jae iporookuai, pe reta peruvicha guasu, jayave peiko kavita.

1 SAMUEL 12:24

Jaeño peipoɨu yandeYa güi, peyeokuai kavi chupe añete rupi opaete pepɨa ndive, pemaendúa jeta mɨakañɨ tuicha vae oyapo peve vae re.

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”