JOSUÉ 24:11 - Biblia Guarani Tumpa Iñee

¹¹ Jare peasa ɨ̈aka Jordán jare peyu Jericó pe. Jericó pe yogüɨreko vae reta oñeraro pe ndive: Amorreo reta, ferezeo reta, cananeo reta, heteo reta, gergeseo reta, heveo reta jare jebuseo reta, ërei che amee pepo pe opa pemoamɨri vaerä.

JOSUÉ 24:11 ပူးပေါင်းရင်းမြစ်များ

GÉNESIS 15:19

Ceneo reta, cenezeo reta, cadmoneo reta,

SALMOS 105:44

omee chupe reta ïru tëtaguasu reta iɨvɨ ïru tëta reta iparavɨkɨagüe opɨta jae reta imbaerä,

SALMOS 114:3

Ɨguasu oecha yave Israel iñemuña reta, otekuarai ɨguasu, jare ɨ̈aka Jordán, oñemoata jaɨkue kotɨ.

SALMOS 114:5

¿Maratu pa ɨguasu, maera pa retekuarai? ¿Maratu pa ɨ̈aka Jordán, maera pa reñemoata nderaɨkue kotɨ?

ÉXODO 13:5

kuae yasɨ pe etei peyapota arete, yandeYa pereraja ma peñono jókuae ɨvɨ kavi yae vae pe yave, jae ko cananeo, heteo, amorreo, heveo, jare jebuseo reta iɨvɨ, peñemuñagüe reta pe jae oñererökuavee omee vaerä peve vae pe.

ÉXODO 23:23

Echa chearaɨgua ojota perenonde, jare pererajata amorreo, heteo, ferezeo, cananeo, heveo jare jebuseo reta iɨvɨ pe; kuae reta che opata amboaiuka.

ÉXODO 23:28

Amondota perenonde kɨɨye, omoë vaerä ombotekuarai; heveo, cananeo jare heteo reta perenonde güi.

ÉXODO 23:31

Ambojaanga peɨvɨ iyapɨ Ɨguasu Pɨ̈ta vae güive filisteo reta iɨguasu kotɨ, jare ñuu güive ɨ̈aka Éufrates kotɨ, echa añono pepo pe opaete jókuae ɨvɨ pe yogüɨreko vae reta, jare pe opata pemoë pemombo peyeugüi.

ÉXODO 3:17

Jare perenoeta mbɨatɨtɨ güi, Egipto güi metei ɨvɨ kavi pe, cananeo reta, heteo reta, amorreo reta, ferezeo reta, heveo reta jare jebuseo reta iɨvɨ pe.”

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

ÉXODO 33:2

Che amondota nderenonde araɨgua, jare amoëta amombo jókuae iɨvɨ güi cananeo reta, amorreo reta, heteo reta, ferezeo reta, heveo reta jare jebuseo reta.

Hechos 13:19

jare opa omboai yave Canaán güi chiu tëtaguasu pegua reta, omee kuae reta iɨvɨgüe ñaneñemuñagüe reta imbaerä.

Hechos 7:45

Jókuae tupao oñemee ñaneñemuñagüe reta pe, jare jae reta Josué ndive güeru, kuae ɨvɨ judiombae vae reta güi oñepɨ̈ro yave. Echa Tumpa opa güɨnoe omombo reta ñaneñemuñagüe jenonde reta güi. Jare David oiko mburuvicha guasurä yave, oimeño kuae pe oï jókuae tupao.

DEUTERONOMIO 7:1

YandeYa Tumpa pereroike yave ɨvɨ peiketa peñemoëta pɨpe vae pe, jare opa ma yave omoë omombo perenonde güi chiu tëtaguasu reta imbaepuere yae pegüi vae: Heteo reta, gergeseo reta, amorreo reta, cananeo reta, ferezeo reta, heveo reta jare jebuseo reta.

JOSUÉ 3:10

Kuae rupi peikuaata Tumpa oikove vae oime oï pepɨte pe vae, jare jae omoëta omombo perenonde güi cananeo reta, heteo reta, heveo reta, ferezeo reta, gergeseo reta, amorreo reta jare jebuseo reta.

JOSUÉ 4:1

Opaete ma ɨ̈aka Jordán oasa vae yave, yandeYa jei Josué pe:

JOSUÉ 4:19

Israel iñemuña reta oasa ɨ̈aka Jordán ara payandepo tenondegua yasɨ pe, jare oyembojeyupa reta Gilgal pe, Jericó güi kuaraɨ oëa kotɨ.

JOSUÉ 4:23

Echa yandeYa Tumpa omotini ɨ̈aka Jordán pegua ɨ perenonde güi opa peasa regua, yandeYa Tumpa oyapo íguasu Pɨ̈ta vae pe rami, echa jae omotini orerenonde opa roasa regua.

JOSUÉ 9:2

kuae reta oñomoïru oñeraro vaerä Josué jare Israel iñemuña reta ndive.