JOSUÉ 23:9 - Biblia Guarani Tumpa Iñee

⁹ Echa yandeYa oekɨ omombo perenonde güi tëtaguasu tuichagüe reta jare imbaepuere yae vae reta, jare mbaetɨño kia ipuere peré oñeraro pe reta ndive yave añave regua.

JOSUÉ 23:9 ပူးပေါင်းရင်းမြစ်များ

1 REYES 21:26

Oyapo pɨ̈chɨi yae vae, omboete tumpa-raanga amorreo reta rami, jókuae tëta reta yandeYa opa güɨnoe omombo jae reta jenonde güi vae reta oyapose vae.)

2 CRÓNICAS 20:7

OreTumpa, nde renoe remombo kuae ɨvɨ pe yogüɨreko vae reta tëta Israel ndembae vae jenonde güi, jare remee ndevɨa-ïru Abraham iñemuña reta pe, jekuae avei pegua.

ÉXODO 23:23

Echa chearaɨgua ojota perenonde, jare pererajata amorreo, heteo, ferezeo, cananeo, heveo jare jebuseo reta iɨvɨ pe; kuae reta che opata amboaiuka.

ÉXODO 23:30

Mbegüe mbegüe pe opata amoë amombo perenonde güi, peñemuña regua jare pepɨ̈ro regua peiko vaerä jókuae ɨvɨ pe.

Hechos 7:45

Jókuae tupao oñemee ñaneñemuñagüe reta pe, jare jae reta Josué ndive güeru, kuae ɨvɨ judiombae vae reta güi oñepɨ̈ro yave. Echa Tumpa opa güɨnoe omombo reta ñaneñemuñagüe jenonde reta güi. Jare David oiko mburuvicha guasurä yave, oimeño kuae pe oï jókuae tupao.

DEUTERONOMIO 11:23

yandeYa omoëta vi omombo perenonde güi opaete tëtaguasu reta, jare pe pepɨ̈rota tëtaguasu reta tuicha yae jare imbaepuere yae pegüi vae.

DEUTERONOMIO 7:24

Omeeta pepo pe mburuvicha guasu reta, jare pe reta pemboaita jee reta kuae ɨvɨ güi, ngaraa etei kia ipɨ̈rata peróvai opa regua pemboai.

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.

JOSUÉ 15:14

Caleb güɨnoe omombo joko güi mboapɨ Anac iñemuña reta: Sesai, Ahimán jare Talmai.

JOSUÉ 23:5

YandeYa Tumpa oekɨta omombo reta perenonde güi; jare pe reta peiketa penoi vaerä iɨvɨ reta, yandeYa Tumpa jei peve rami.

JOSUÉ 23:8

Ërei yandeYa Tumpa jupieño peguata, peyapo ma peyu peiko rami.

JOSUÉ 24:18

YandeYa ko güɨnoe omombo orerenonde güi opaete tëta reta, jare amorreo reta kuae ɨvɨ pe yogüɨreko vae. Ore royeokuaita vi yandeYa pe, echa jae ko oreTumpa.