JOSUÉ 23:8 - Biblia Guarani Tumpa Iñee

⁸ Ërei yandeYa Tumpa jupieño peguata, peyapo ma peyu peiko rami.

JOSUÉ 23:8 ပူးပေါင်းရင်းမြစ်များ

2 REYES 18:6

Echa oiko yandeYa jeia re, mbaetɨ oyembosɨrɨ chugüi, oyapo yandeYa omee mborookuai reta Moisés pe vae.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 11:22

Peyapo kavi yave opaete mborookuai jei vae che amombeu añave peve vae, jare peaɨu yave yandeYa Tumpa peguata reve pemboe vae rupi jare jupi rupi,

DEUTERONOMIO 13:4

Peiko yandeYa Tumpa jupíe, peipoɨu chugüi, peyapo iporookuai reta, peendu iñee reta, pemboete jare peyemboya jese.

DEUTERONOMIO 13:5

Jare jókuae ñeemombeúa ani ipaɨu katu vae tomano, echa pemboarakuaa peyemboyovaicho vaerä yandeYa Tumpa kotɨ, perenoe ɨvɨ Egipto güi jare pereepɨ yeokuaiasɨ katu güi vae, jare pemoñera pepia vaerä yandeYa Tumpa peokuai peyapo vaerä vae güi. Jökorai peekɨ ikavimbae pepɨte güi.

DEUTERONOMIO 4:4

Ërei opaete pe reta yandeYa Tumpa reño perovia vae, peikove päveño añave.

DEUTERONOMIO 8:20

Perovake yandeYa Tumpa opata omokañɨ tëtaguasu reta rami, pe opata pekañɨtei, mbaetɨ yave yandeYa Tumpa iñee jei vae peyapo.

JOSUÉ 22:5

Jaeño aiporu peve peyeandu reve kavi peyapo mborookuai reta Moisés, yandeYa jembiokuai omee peve vae: Peaɨu yandeYa Tumpa, peguata jae jemimbota rupiño; peñovatu iporookuai reta, jaeño peiko jupi rupi chupe jare peyeokuai chupe opaete pepɨa ndive, añete rupi kavi.”

JOSUÉ 23:7

agüɨye vaerä peyea kuae tëtaguasu reta opɨta pepɨte pe vae ndive, agüɨye peenɨi itumpa reta jare agüɨye mbae peiporu jare peyapo itumpa reta jee re, agüɨye peyeokuai chupe, agüɨye ave peyetavatɨka jae reta jóvai.

JOSUÉ 23:9

Echa yandeYa oekɨ omombo perenonde güi tëtaguasu tuichagüe reta jare imbaepuere yae vae reta, jare mbaetɨño kia ipuere peré oñeraro pe reta ndive yave añave regua.