JOSUÉ 23:14 - Biblia Guarani Tumpa Iñee

¹⁴ Mase, che amanota ma ko; añave, pemaendúa kavi opaete pepɨa ndive jare opaete perekove ndive, kërai mbaetɨ oata metei ave ñee kavi yandeYa Tumpa jei pekotɨ vae; opaete oyembopo peve, mbaetɨ oata metei ave.

JOSUÉ 23:14 ပူးပေါင်းရင်းမြစ်များ

GÉNESIS 47:29

Jare oväe ara Israel omano vaerä yave, oenɨi taɨ José, jare jei chupe: —Añetete ndepɨakatu ko chekotɨ yave, romoñera reñono vaerä ndepo cheu päu pe, jare eyapo che ndive mboroparareko jare jupi vae. ¡Romoñera agüɨye vaerä cheñotɨ Egipto pe!

1 REYES 2:2

“Opaete ɨvɨ pegua yogüɨrajaa rupi che jaema vi ajata. Eñemoäta ngatu jare eyembokuimbae.

1 REYES 8:56

“¡Toyemboete yandeYa mbɨakatu omee imbae vae tëta Israel pe vae, jae oñererökuavee rupi! Echa mbaetɨ etei ombopombae jae oñererökuavee jembiokuai Moisés rupi vae.

JOB 30:23

Echa che aikuaa ko chereraja mano kotɨ, opaete oikove vae reta yogüɨraja ñogüɨnoia kotɨ.

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

ECLESIASTÉS 12:5

ɨvɨtɨ rupi okɨɨyeta oguata jare tape rupi ave okɨɨyeta oguata. Temitɨ almendra ipotɨta, tuku oikota mbaemboavairä, mbaetɨta ma ipɨ̈rata. Echa kuimbae ojo, oikotaa pe jekuae avei pegua, jare kaye rupi oyeenduta, oapïro vae reta.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

San Lucas 21:33

Ara jare ɨvɨ opata ko, ërei cheñee ngaraa opa.

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.

1 SAMUEL 3:19

Jare Samuel okuakuaa, jare yandeYa oï jae ndive, mbaetɨ iñee oasaiño ombopombae reve.