JOSUÉ 23:10 - Biblia Guarani Tumpa Iñee

¹⁰ Metei kuimbae vaeño pegüi reta ombosɨita mil kuimbae, echa yandeYa Tumpa ko oñeraro perekovia pe, jae jei peve rami.

JOSUÉ 23:10 ပူးပေါင်းရင်းမြစ်များ

2 SAMUEL 23:8

Kuae ko jae David isundaro jëia vae reta jee: Joseb-basebet tacmonita, jae ko mburuvicha reta itenondegua ete; jae metei ara oyuka ochociento kuimbae.

1 CRÓNICAS 5:20

Ërei Tumpa omborɨ reta, jare Agar imembɨraɨe iñemuña reta opaete imborɨa reta ndive oa ipo pe, echa ñeraro pɨte pe oyerure reta Tumpa pe omborɨ vaerä. Jare Tumpa omborɨ reta echa güɨrovia reta jese.

1 CRÓNICAS 5:22

Jeta yae omano tovaicho, echa Tumpa etei ko oñeraro. Jare oñemoëta reta joko pe, tembipɨɨrä opa oyererajauka regua.

SALMOS 35:1

CheYa Tumpa, epüa oyovaicho chekotɨ vae reta re; eñeraro oñoraro che ndive vae reta ndive.

SALMOS 46:7

¡YandeYa Imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

ÉXODO 14:14

YandeYa ko oñerarota pepoepɨka pe, jare pe reta mbaetɨta peyemoambeko.

ISAÍAS 30:17

Metei tovaicho güi, petekuaraita mil pe reta, pandepo vae güi, opaeteita petekuarai, ɨvɨra jaeño oï ɨvɨtɨ guasu re rami, ani metei bandera oï ɨvɨtɨ re rami.

LEVÍTICO 26:7

Pembotekuaraita perovaicho reta, jare opata pemoamɨri;

LEVÍTICO 26:8

pegüi pandepo vae ombotekuaraita cien tovaicho, jare pegüi cien vae ombotekuaraita diez mil tovaicho, jare perovaicho reta opata pemoamɨri.

ZACARÍAS 12:8

Jókuae ara rupi yandeYa oepɨta Jerusalén pegua; ipɨte pe oime yave kia nunga vae ipɨtu, jókuae ara ipɨ̈rata yaeta David rami; jare David iñemuña reta imbaepuereta Tumpa rami, yandeYa iaraɨgua ojo tenonde vae rami.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

DEUTERONOMIO 20:3

körai: ‘Peyeapɨsaka Israel iñemuña reta, jaema peñorarota perovaicho reta ndive. Agüɨye peyembopɨtu, agüɨye pekɨɨye, agüɨye vi perɨrɨi ani perembiurai,

DEUTERONOMIO 20:4

echa yandeYa Tumpa ko ojo pe ndive, oñoraro vaerä peré perovaicho reta ndive, pereroasayepe vaerä.’

DEUTERONOMIO 28:7

YandeYa omoamɨrita perovaicho reta yogüeru oporepeña peré vae reta; metei tape rupi yogüeru retata peve, ërei opata oñemoai moai otekuarai pegüi.

DEUTERONOMIO 3:22

Agüɨye pekɨɨye chugüi, echa yandeYa Tumpa ko oñerarota peré.’

DEUTERONOMIO 32:20

jare jei: ‘Ayerovata chugüi reta, ¡yaecha maratu oasa reta! Echa kuimbae jeko kavimbae reta ko, cheraɨ jupimbae reta ko.

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!

JOSUÉ 10:42

Opaete kuae mburuvicha guasu reta, jare iɨvɨ reta Josué opɨ̈ro opaete voi, echa yandeYa Israel iTumpa oñeraro Israel iñemuña reta jekovia pe.

JOSUÉ 23:11

Peyeandu reve kavi peñeñovatu, peaɨu yandeYa Tumpa.

JOSUÉ 23:3

Jare pe reta peecha opaete kërai yandeYa Tumpa omoamɨri peve opaete kuae tëtaguasu reta vae; echa yandeYa Tumpa ko oñeraro perekovia pe.

JUECES 15:15

javoi oipɨɨ mburika jañɨkagüe ndei ave otini ete vae, pɨpe oyuka mil filisteo.

JUECES 3:31

Jaɨkue rupi oiko Samgar, Anat taɨ, jae oyuka seisciento kuimbae filisteo, ɨvɨra puku iyapɨ re güɨnoi jiero vae pe, güeye omoäkua (oyemboarea) pɨpe vae. Samgar oepɨ vi Israel iñemuña reta.

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.