JOSUÉ 22:5 - Biblia Guarani Tumpa Iñee

⁵ Jaeño aiporu peve peyeandu reve kavi peyapo mborookuai reta Moisés, yandeYa jembiokuai omee peve vae: Peaɨu yandeYa Tumpa, peguata jae jemimbota rupiño; peñovatu iporookuai reta, jaeño peiko jupi rupi chupe jare peyeokuai chupe opaete pepɨa ndive, añete rupi kavi.”

JOSUÉ 22:5 ပူးပေါင်းရင်းမြစ်များ

SALMOS 106:3

Oyerovia ko, jupi vae oyapo vae reta, jupi vae oyapo avei vae reta.

SALMOS 78:7

Tumpa reño oyeko reta vaerä, agüɨye vaerä iñakañɨ reta Tumpa oyapogüe güi; oyapo avei vaerä iporookuai reta,

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ÉXODO 20:6

jare opaete cheraɨu vae jare oyapo cheporookuai reta vae re cheporoparareko.

ÉXODO 23:13

Peyapo opaete kuae jae peve vae, agüɨye toyeendu peyuru pe ïru tumpa reta jee.

ÉXODO 23:25

PeYa Tumpa peño peyeokuai, jae pemboyekouta tembíu pe jare ɨ pe. Jare che ambosɨrɨta pegüi opaete mbaerasɨ reta,

PROVERBIOS 4:23

Opaete mbaembae reñovatu vae güi, eñovatu kavi ndepɨa, echa jese ko oï nderekove.

ISAÍAS 55:2

¿Maera pa peiporu pekorepoti, tembiumbae re, jare peparavɨkɨ, mbae pemoangapɨɨmbae re? Peyeapɨsaka kavi cheré, jare peu tembíu kavi, peu tembíu jëe ngatu vae.

JEREMÍAS 12:16

Jae reta omboe chembae vae reta jei vaerä mbae Baal jee re, ërei oyapo reta yave añetete rupi chembae vae reta oyapo rami, jare jei reta mbae che cheree re yave, ipuere yogüɨreko chembae vae reta ipɨte pe.

San Mateo 22:37

Jayave Jesús jei chupe: —Eaɨu ndeYa Tumpa opaete ndepɨa reve, opaete nderekove ndive, jare opaete ndeyemongeta ndive.

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Mateo 6:24

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Ngaraa pepuere peyeokuai päve Tumpa pe ani mbaeyekou pe.

San Lucas 1:74

kërai yandereepɨ güire yanderovaicho reta güi yayeokuai vaerä chupe yakɨɨyembae reve,

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

San Juan 14:15

Cheraɨu yave, peyapo cheporookuai reta.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Hechos 27:23

Echa pɨare oyekuaa cheve metei Tumpa iaraɨgua. Jókuae Tumpa imbae ko che jare chupe ayeokuai.

Romanos 1:9

Che ayeokuai Tumpa pe opaete chekɨ̈reɨ reve. Echa amombeu ïru vae reta pe ñee ikavi vae Tumpa Taɨ regua. Jae oikuaa kërai ayerure avei chupe peré vae.

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 11:1

Peaɨu yandeYa Tumpa, peyapo opaete iporookuai reta ara ñavo.

DEUTERONOMIO 11:13

Peyapo yave mborookuai reta amombeu añave peve vae, peaɨu reve yandeYa Tumpa jare peyeokuai reve chupe opaete pepɨa ndive, opaete perekove ndive,

DEUTERONOMIO 11:22

Peyapo kavi yave opaete mborookuai jei vae che amombeu añave peve vae, jare peaɨu yave yandeYa Tumpa peguata reve pemboe vae rupi jare jupi rupi,

DEUTERONOMIO 13:4

Peiko yandeYa Tumpa jupíe, peipoɨu chugüi, peyapo iporookuai reta, peendu iñee reta, pemboete jare peyemboya jese.

DEUTERONOMIO 4:29

Ërei ngatu joko güi peeka yave yandeYa Tumpa opaete pepɨa ndive jare opaete perekove ndive, peväeta.

DEUTERONOMIO 4:4

Ërei opaete pe reta yandeYa Tumpa reño perovia vae, peikove päveño añave.

DEUTERONOMIO 4:6

Peñovatu jare peyapo mborookuai jei rami, echa jayave pearakuaa katuta jare pereechata opaete tëta reta, jare oendu reta yave mborookuai, jei retata: ‘¡Añetete kuae tëtaguasu yarakuaa katu, jare oikuaa katu yae!’

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

DEUTERONOMIO 5:10

cheporoparareko opaete cheraɨu jare oyapo katu cheporookuai reta vae re.

DEUTERONOMIO 6:17

Peñovatu peyeandu reve kavi yandeYa Tumpa oyapogüe reta jare iporookuai reta peokuai jese vae.

Hebreos 12:15

Jare pemae kavi agüɨye vaerä kia pe ave oata Tumpa ipɨakavi; agüɨye pemboɨpɨ peñomotareɨ peyomboavai vaerä, jare jeta vae re ova jókuae;

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

JOSUÉ 23:8

Ërei yandeYa Tumpa jupieño peguata, peyapo ma peyu peiko rami.

Apocalipsis 15:3

Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu.

1 SAMUEL 12:20

Jare Samuel jei chupe reta: —Agüɨye pekɨɨye. Peyapo ko opaete ikavimbae, ërei agüɨye peyerova yandeYa güi, peyeokuai chupe opaete pepɨa ndive.

1 SAMUEL 12:24

Jaeño peipoɨu yandeYa güi, peyeokuai kavi chupe añete rupi opaete pepɨa ndive, pemaendúa jeta mɨakañɨ tuicha vae oyapo peve vae re.

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”