JOSUÉ 22:4 - Biblia Guarani Tumpa Iñee

⁴ Añave, yandeYa Tumpa omee perëtara reta pe yogüɨreko pɨagüive vaerä, jae güɨrökuavee rami, peyerova ye peteyupa pe, peɨvɨ ae kotɨ, Moisés, yandeYa jembiokuai omee peve ɨ̈aka Jordán jovaicho kotɨ vae pe.

JOSUÉ 22:4 ပူးပေါင်းရင်းမြစ်များ

1 CRÓNICAS 22:18

“YandeYa peTumpa oiko pe ndive vae omee peve mbɨakatu opaete kerupi, jae omee chepo pe opaete kuae ɨvɨ pe yogüɨreko vae reta, jare kuae reta yogüɨreko yandeYa jeia re jare imbae vae reta jeia re.

ÉXODO 33:14

Jare Tumpa jei chupe: —Che etei aïta nde ndive, jare mbaetɨta ma mbae re reyemoambeko.

NÚMEROS 32:18

Ngaraa royerova ye orero kotɨ Israel iñemuña reta güɨnoi regua metei ñavo iɨvɨ ae.

DEUTERONOMIO 12:9

Echa añave mbaetɨño vɨteri peike mbutuu pe, yandeYa Tumpa omee ɨvɨ pevea pe.

DEUTERONOMIO 29:8

jare opa ñapɨ̈ro iɨvɨ chugüi reta, jare ñamee Rubén jare Gad iñemuña reta imbaerä jare Manasés iñemuña reta oyemboyaogüe vae imbaerä.

DEUTERONOMIO 3:20

YandeYa omee regua mbutuu perëtara reta pe, pe reta rami, jare jae reta togüɨnoi ɨvɨ imbae retarä yandeYa Tumpa omee chupe reta Jordán jovaicho pe vae; jayave ramo peyu yeta peɨvɨ pe, che amee pevea pe.’

Hebreos 4:8

Echa Josué omee yave mona mbutuu ñaneñemuñagüe reta pe, ngaraa tëi Tumpa imiari ye ïru ara re.

JOSUÉ 1:15

yandeYa omee ɨvɨ perëtara reta pe vae pe, yogüɨreko pɨagüive regua, peve omee rami, jae reta togüɨnoi vi ɨvɨ, yandeYa Tumpa omeeta chupe reta vae; jaɨkue rupi peyerova ye peɨvɨ kotɨ peiko ete vaerä pɨpe, kuae ɨ̈aka Jordán jovaicho kotɨ, kuaraɨ oëa kotɨ, Moisés, yandeYa jembiokuai omee peve vae pe.

JOSUÉ 12:6

Moisés jare Israel iñemuña reta omoamɨri kuae mburuvicha guasu reta, jare Moisés omee kuae ɨvɨ reta Rubén jare Gad iñemuña reta imbaerä, jare Manasés iñemuña oyemboyaogüe reta imbaerä.

JOSUÉ 13:15

Moisés omee ɨvɨ Rubén iñemuña reta pe, jëtara ñavo rupi.

JOSUÉ 13:8

Echa Rubén jare Gad iñemuña reta jare Manasés iñemuña reta oyemboyaogüe güɨnoi reta ma iɨvɨ, Moisés omee chupe reta ɨ̈aka Jordán jovaicho kotɨ, kuaraɨ oëa kotɨ.

JOSUÉ 22:3

Mbaetɨ pemombo perëtara reta kuae ɨma año oasa vae rupi añave regua, jare peyapo jupi rupi kavi yandeYa Tumpa iporookuai reta.