JOSUÉ 22:31 - Biblia Guarani Tumpa Iñee

³¹ Jayave Finees sacerdote Eleazar taɨ jei chupe reta: —Añave yaikuaa kavi ma yandeYa oï yande ndive vae, echa kuae peyapo vae mbaetɨ peyapo pepɨapochɨ yandeYa kotɨ jeko pegua. Jökorai añave orereroasayepe yandeYa iporonupa güi.

JOSUÉ 22:31 ပူးပေါင်းရင်းမြစ်များ

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

ESDRAS 7:5

Buqui jae ko Abisúa taɨ, Abisúa jae ko Finees taɨ, Finees jae ko Eleazar taɨ jare Eleazar jae ko Aarón sacerdote tenondegua ete taɨ.

SALMOS 68:17

Tumpa ikäretou oyepapa vaerä jeta yae ete ko; cheYa ou Sinaí güi itupao pe.

ÉXODO 25:8

Jare toyapo reta cheve metei o ayemboeteuka pɨpe vaerä, aiko vaerä jae reta ipɨte pe.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ZACARÍAS 8:23

YandeYa Imbaepuere yae ete vae jei körai: Jókuae ara payandepo kuimbae reta ïru tëtaguasu pegua reta oipɨɨ retata metei judío jemimonde, jei reve: ‘¡Torojo perupíe, echa roendu Tumpa oiko pe ndive!’ ”

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

1 Corintios 14:25

jökorai oyekuaata chupe opaete ipɨa pe oï vae, jare oyetavatɨkata omboete reve Tumpa, jare jeita kërai añetete Tumpa oiko pepɨte pe.

JOSUÉ 22:30

Sacerdote Finees jare opaete vae juvicha reta jare Israel iñemuña itenondegua reta jae ndive ñogüɨnoi vae reta oendu yave, Rubén jare Gad iñemuña reta, jare Manasés iñemuña reta oyemboyaogüe jei vae, ikavi yae chupe reta opaete jókuae jei reta vae.

JOSUÉ 22:32

Jare Finees sacerdote Eleazar taɨ jare mburuvicha reta oeya Rubén jare Gad iñemuña reta jare Manasés iñemuña reta oyemboyaogüe, jare opa ye oyerova ɨvɨ Galaad güi ɨvɨ Canaán pe, ïru ñemuña reta ñogüɨnoia pe. Jare imiari reta joko pe ñogüɨnoi vae reta pe, jëtara reta jeigüe.

JOSUÉ 3:10

Kuae rupi peikuaata Tumpa oikove vae oime oï pepɨte pe vae, jare jae omoëta omombo perenonde güi cananeo reta, heteo reta, heveo reta, ferezeo reta, gergeseo reta, amorreo reta jare jebuseo reta.