JOSUÉ 22:29 - Biblia Guarani Tumpa Iñee

²⁹ YandeYa agüɨye tomaeño orepɨapochɨ vaerä ikotɨ ani rosɨrɨ vaerä chugüi, royapo yave mɨmba oyeyuka oyeapɨ jese vae, romee vaerä mɨmba oyeyukagüe opaetei oyeapɨ vae, mbota temitɨ iagüe romee jese vaerä ani mbota oyeyukagüe romee vaerä jese, romopüa yave ïru mɨmba oyeyuka oyeapɨ jese vae yandeYa imbae o yemboatɨa jóvai oï vae güi.

JOSUÉ 22:29 ပူးပေါင်းရင်းမြစ်များ

GÉNESIS 44:17

Ërei José jei: —Ngaraa jókuae che ayapo. Jókuae kuimbae ivoɨtarɨru pe oñeväe kopa vae oikota cherembiokuairä; pe reta pekua kavi mbɨakatu ndive peru oïa pe.

GÉNESIS 44:7

Jare jae reta jei: —¿Maera pa oreya jei oreve kuae reta? ¡Ore nderembiokuai reta ngaraai royapo kuae nunga!

1 REYES 21:3

Ërei Nabot jei Acab pe: —Tumpa mbaetɨ oipota che amee vaerä cheru oeya chembaerä vae.

2 REYES 18:22

Jare pe pere cheve yave: “Ore romboete oreYa Tumpa.” ¿Mbaetɨ pa Ezequías omboai mbaemboete renda reta ɨvɨtɨ rupigua mɨmba oyeyuka oyeapɨ jese vae, jare mbaetɨ pa oyókuai Judá pegua reta jare Jerusalén pegua reta ombaemboete vaerä Jerusalén pegua mɨmba oyeyuka oyeapɨ jese vae peño?

2 CRÓNICAS 32:12

¿Ezequías, jaeä yera omboai jókuae mbaemboete renda ɨvɨtɨ rupigua reta jare mɨmba oyeyuka oyeapɨ jese vae reta jare oyókuai opaete Judá pegua reta jare Jerusalén pegua reta omboete vaerä jare oapɨ reta vaerä ikäti kavi vae incienso, meteia peño?

Romanos 3:6

¡Mbaetɨ ko! Echa Tumpa jupiä ko yave, ¿këraita pa ojäa ɨvɨ pegua reta?

Romanos 6:2

¡Mbaetɨ ko! Echa yande ñamano ma mbaeyoa güi vae, ¿këraita pa jekuaeño yaiko mbaeyoa pe?,

Romanos 9:14

¿Mbae pa yaeta jayave? ¿Tumpa jupiä pa jayave? ¡Mbaetɨ ko!

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

JOSUÉ 22:23

Kuae mɨmba oyeyuka oyeapɨ jese vae romopüa oreyeupe vae royapo yave rosɨrɨ vaerä yandeYa güi ani romee vaerä jese mɨmba oyeyukagüe opaetei oyeapɨ vae, ani mbota temitɨ jäɨgüe romee jese vaerä ani romee vaerä jese mbota mbɨakatu pegua; jökorai ko yave yandeYa etei toikuaa mbae oyapo vaerä oreve.

JOSUÉ 22:26

Jáeramo royemongeta romopüa vaerä metei mɨmba oyeyuka oyeapɨ jese vae, mbaetɨ mɨmba oyeyukagüe opaetei oyeapɨ vae romee jese vaerä ani mɨmba oyeyukagüe romee jese vaerä.

JOSUÉ 22:28

Echa ore royemongeta kia nunga vae jei yave oreve ani oreñemuña reta pe jei yave, orepuere roe chupe reta: “¡Mase! Ñaneñemuñagüe reta omopüa kuae mɨmba oyeyuka oyeapɨ jese vae iä yandeYa imbae rami vae, mbaetɨ ko omopüa reta mɨmba oyeyukagüe opaetei oyeapɨ jese vaerä, ani mɨmba oyeyukagüe oñemee jese vaerä, omopüa reta ko oime vaerä yemomaendúa peve jare oreve.”

JOSUÉ 22:30

Sacerdote Finees jare opaete vae juvicha reta jare Israel iñemuña itenondegua reta jae ndive ñogüɨnoi vae reta oendu yave, Rubén jare Gad iñemuña reta, jare Manasés iñemuña reta oyemboyaogüe jei vae, ikavi yae chupe reta opaete jókuae jei reta vae.

JOSUÉ 24:16

Jayave opaete vae jei: —¡Ngaraa romboete ïru tumpa reta yandeYa güi!

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.