JOSUÉ 22:28 - Biblia Guarani Tumpa Iñee

²⁸ Echa ore royemongeta kia nunga vae jei yave oreve ani oreñemuña reta pe jei yave, orepuere roe chupe reta: “¡Mase! Ñaneñemuñagüe reta omopüa kuae mɨmba oyeyuka oyeapɨ jese vae iä yandeYa imbae rami vae, mbaetɨ ko omopüa reta mɨmba oyeyukagüe opaetei oyeapɨ jese vaerä, ani mɨmba oyeyukagüe oñemee jese vaerä, omopüa reta ko oime vaerä yemomaendúa peve jare oreve.”

JOSUÉ 22:28 ပူးပေါင်းရင်းမြစ်များ

GÉNESIS 31:48

Jayave Labán jei: —Kuae ita oyemboatɨ vae jae ko imiari vaerä yanderé. Jáeramo oyembojee Galaad,

2 REYES 16:10

Jaɨkue rupi mburuvicha guasu Acaz ojo oövaiti vaerä Damasco pe Tiglat-pileser mburuvicha guasu Asiria pegua. Acaz oecha yave mɨmba oyeyuka oyeapɨ jese vae Damasco pegua, omondo sacerdote Urías pe jókuae iä, kërai etei ko oyeapo vae.

ÉXODO 25:40

emae kavi, reyapo vaerä ɨvɨtɨ re aechauka ndeve rami kavi.

ISAÍAS 19:19

Jókuae ara rupi oyeapota ɨvɨ Egipto pe mɨmba oyeyuka oyeapɨ jese vae yandeYa peguarä, jare jókuae ɨvɨ jembeɨ pe oñemopüata metei ita yandeYa jee re.

Hebreos 8:5

Ërei mbaravɨkɨ jae reta oyapo vae ko oyembojaanga ara pegua re. Echa ndei Moisés oyapouka Tumpa jo guakapi pegua mbove, Tumpa oechauka chupe kërai oyapouka vaerä. Jei chupe körai: “Emae kavi, reyapo vaerä ɨvɨtɨ re aechauka ndeve rami kavi.”

JOSUÉ 22:27

Jae ko yandemomaendúa vaerä jare ñaneñemuña reta peguarä, kërai ore orepuere romboete yandeYa, mɨmba oyeyukagüe opaetei oyeapɨ ndive, jare mɨmba oyeyukagüe mbɨakatu pegua ndive; agüɨye vaerä kuri peraɨ reta jei oreraɨ reta pe: “¿Mbae pa peeka Tumpa oïa pe?”

JOSUÉ 22:29

YandeYa agüɨye tomaeño orepɨapochɨ vaerä ikotɨ ani rosɨrɨ vaerä chugüi, royapo yave mɨmba oyeyuka oyeapɨ jese vae, romee vaerä mɨmba oyeyukagüe opaetei oyeapɨ vae, mbota temitɨ iagüe romee jese vaerä ani mbota oyeyukagüe romee vaerä jese, romopüa yave ïru mɨmba oyeyuka oyeapɨ jese vae yandeYa imbae o yemboatɨa jóvai oï vae güi.

JOSUÉ 24:27

javoi jei opaete vae pe: —Kuae ita toiko yandemomaendúa vaerä echa oendu rami ko opaete ñee reta yandeYa ñanemomiari vae. Toiko pemomaendúa vaerä, agüɨye vaerä peapu peTumpa pe.