JOSUÉ 22:27 - Biblia Guarani Tumpa Iñee

²⁷ Jae ko yandemomaendúa vaerä jare ñaneñemuña reta peguarä, kërai ore orepuere romboete yandeYa, mɨmba oyeyukagüe opaetei oyeapɨ ndive, jare mɨmba oyeyukagüe mbɨakatu pegua ndive; agüɨye vaerä kuri peraɨ reta jei oreraɨ reta pe: “¿Mbae pa peeka Tumpa oïa pe?”

JOSUÉ 22:27 ပူးပေါင်းရင်းမြစ်များ

GÉNESIS 31:48

Jayave Labán jei: —Kuae ita oyemboatɨ vae jae ko imiari vaerä yanderé. Jáeramo oyembojee Galaad,

GÉNESIS 31:52

Kuae ita oyemboatɨ vae jare ita oñemopüa vae toï yandemomaendúa vaerä oyokotɨ, nde ani che agüɨye yaasa iárambo rupi oyokotɨ ikavimbae peguarä.

SALMOS 16:5

CheYa, ndeño ko jae chembaeyekou; nde remee aiko vaerä.

ISAÍAS 19:19

Jókuae ara rupi oyeapota ɨvɨ Egipto pe mɨmba oyeyuka oyeapɨ jese vae yandeYa peguarä, jare jókuae ɨvɨ jembeɨ pe oñemopüata metei ita yandeYa jee re.

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

JOSUÉ 22:10

Jare yogüeru oväe ɨ̈aka Jordán jembeɨ pe, ɨvɨ Canaán pe vɨteri yave, Rubén jare Gad iñemuña reta, jare Manasés iñemuña reta oyemboyaogüe omopüa joko pe mɨmba oyeyuka oyeapɨ jese vae tuicha vae, ɨ̈aka Jordán jembeɨ pe.

JOSUÉ 22:26

Jáeramo royemongeta romopüa vaerä metei mɨmba oyeyuka oyeapɨ jese vae, mbaetɨ mɨmba oyeyukagüe opaetei oyeapɨ vae romee jese vaerä ani mɨmba oyeyukagüe romee jese vaerä.

JOSUÉ 22:28

Echa ore royemongeta kia nunga vae jei yave oreve ani oreñemuña reta pe jei yave, orepuere roe chupe reta: “¡Mase! Ñaneñemuñagüe reta omopüa kuae mɨmba oyeyuka oyeapɨ jese vae iä yandeYa imbae rami vae, mbaetɨ ko omopüa reta mɨmba oyeyukagüe opaetei oyeapɨ jese vaerä, ani mɨmba oyeyukagüe oñemee jese vaerä, omopüa reta ko oime vaerä yemomaendúa peve jare oreve.”

JOSUÉ 22:34

Rubén jare Gad iñemuña reta ombojee jókuae mɨmba oyeyuka oyeapɨ jese vae iä Ed, echa jei reta: “Kuae mɨmba oyeyuka oyeapɨ jese vae toiko yandeve yandemomaendúa vaerä yandeYa jae ko Tumpa vae.”

JOSUÉ 24:27

javoi jei opaete vae pe: —Kuae ita toiko yandemomaendúa vaerä echa oendu rami ko opaete ñee reta yandeYa ñanemomiari vae. Toiko pemomaendúa vaerä, agüɨye vaerä peapu peTumpa pe.

1 SAMUEL 7:12

Javoi Samuel oipɨɨ metei ita jare oñono Mizpa jare tëta Sen jee vae ipäu pe, jare ombojee Eben-ezer, jei reve: “Kuae ara jekuaeñoi yandeYa yandemborɨ.”