JOSUÉ 22:25 - Biblia Guarani Tumpa Iñee

²⁵ YandeYa oñono ɨvɨ jembeɨrä ɨ̈aka Jordán, roiko tee vaerä pegüi, pe Rubén jare Gad iñemuña reta jare Manasés iñemuña reta oyemboyaogüe; jayave, ¿mbae pa peeka Tumpa oïa pe?” Jökorai peraɨ reta oeyaukata oreraɨ reta pe mboromboete yandeYa kotɨ.

JOSUÉ 22:25 ပူးပေါင်းရင်းမြစ်များ

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

1 REYES 12:16

Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

1 REYES 15:30

Kuae ko Jeroboam iyoa jeko pegua, jare Israel iñemuña reta pe oyapouka mbaeyoa vae re. Jókuae rupi omboarasɨuka yandeYa Israel iTumpa vae re.

NEHEMÍAS 2:20

Jare amboyevɨ chupe reta körai: —Tumpa ara pe oï vae ko oremborɨta, jare ore jembiokuai reta romboɨpɨ yeta mbaravɨkɨ, pe reta mbaetɨ ko mbae penoi kuae pe jare mbaetɨ vi mbae peyapo vaerä kuae Jerusalén pe.

SALMOS 16:5

CheYa, ndeño ko jae chembaeyekou; nde remee aiko vaerä.

Hechos 8:21

Nde mbaetɨ ndepuere renoi kuae nunga mbaepuere. Echa ndepɨa jupiä Tumpa kotɨ.

JOSUÉ 22:24

Kuae royapo ko agüɨye vaerä metei ara peraɨ reta jei oreraɨ reta pe: “¿Mbae pa peeka Israel iTumpa oïa pe?

JOSUÉ 22:26

Jáeramo royemongeta romopüa vaerä metei mɨmba oyeyuka oyeapɨ jese vae, mbaetɨ mɨmba oyeyukagüe opaetei oyeapɨ vae romee jese vaerä ani mɨmba oyeyukagüe romee jese vaerä.

JOSUÉ 22:27

Jae ko yandemomaendúa vaerä jare ñaneñemuña reta peguarä, kërai ore orepuere romboete yandeYa, mɨmba oyeyukagüe opaetei oyeapɨ ndive, jare mɨmba oyeyukagüe mbɨakatu pegua ndive; agüɨye vaerä kuri peraɨ reta jei oreraɨ reta pe: “¿Mbae pa peeka Tumpa oïa pe?”

1 SAMUEL 26:19

Cheruvicha guasu, romoñera reyeapɨsaka vaerä cheré, yandeYa ndemboyovaicho cheré yave, jae toipɨɨ chegüi mbota, ërei kuimbae retaño yave, toiporara reta yandeYa jóvai, echa añave cherenoe chemombo reta kuae ɨvɨ güi, jei reve cheve: “Ekua eyeokuai ïru tumpa ambuae reta pe.”