JOSUÉ 22:22 - Biblia Guarani Tumpa Iñee

²² —YandeYa Tumpa, opaete tumpa reta güi imbaepuere vae oikuaa mbaetɨ ko royapo orepɨapochɨ güi vae ani rosɨrɨ vaerä chugüi. Jae oikuaa jare toikuaauka peve opaete; agüɨye tiñɨ̈ro oreve mbaetɨ ko jaekavi royapo yave.

JOSUÉ 22:22 ပူးပေါင်းရင်းမြစ်များ

JOB 10:7

Yepe tëi nde reikuaa, che mbaetɨ ko ayapo jupimbae, jare mbaetɨ kia ipuere chereepɨ vaerä ndegüi.

JOB 23:10

Ërei jae chekuaa katu, chejäa yave aëta oro oyeambae rami.

JOB 31:22

Kuae reta mbaetɨ añete yave, cheyɨva reta toa chegüi, toyeekɨ cheatiɨ güi.

SALMOS 136:2

Pemboete Tumpa, tumpa-raanga reta güi imbaepuere yae vae, echa iporoparareko jekuae avei vae ko.

SALMOS 37:6

Omboyekuaata jupi rupi reiko vae tembipe rami, jare ndereko kavi ara mbɨte pe ma kuaraɨ rami.

SALMOS 40:9

Amoërakua jupi vae jeta yae vae oyemboatɨa pe, mbaetɨ chekïrii apɨta, cheYa, nde reikuaa.

SALMOS 44:21

¿mbaetɨta ra reikuaa kuae re? Echa nde reikuaa ko opaete mbae oñemi oï kuimbae ipɨa pe vae.

SALMOS 44:22

Ërei nderé rogüɨrovia jeko pegua, yemomburu rupi roiko ara ñavo; oyemongeta reta oreré vecha oyeyukata mbaeyukaa pe vae re rami.

SALMOS 50:1

YandeYa, Tumpa imbaepuere tumpa-raanga reta güi vae, imiari; oenɨi opaetei ɨvɨ pegua reta.

SALMOS 82:1

Tumpa oï imbaepuere vae reta ipɨte pe, omombeu vaerä ikotɨ reta mbae oikota vae:

SALMOS 95:3

Echa yandeYa, jae Tumpa tuicha yae vae, mburuvicha guasu tuicha yae vae opaete tumpa-raanga reta güi.

SALMOS 97:7

Imara reta opaete tumpa-raanga imboetea, oyemboete jókuae re vae reta. ¡Opaete tumpa-raanga reta oa jae jóvai!

ÉXODO 18:11

añave aikuaa yandeYa tuicha yae ete ko opaete ïru tumpa reta güi vae; echa ipɨayemboete pekotɨ vae reta re oechauka imbaepuere.

JEREMÍAS 12:3

Ërei nde cheYa Tumpa, chereecha jare chekuaa kavi ko; reikuaa kërai cheyemongeta ndekotɨ vae. ¡Eraja jókuae kuimbae reta, mbaeyukaa pe vecha oyereraja rami; emokañɨmaa parapiti iara peguarä!

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

MIQUEAS 7:9

Aropɨata yandeYa iyarasɨ; echa cheyoa ikotɨ, ojäa regua chereko jare chembojupi regua. Jae cherenoeta tembipe pe jare aechata iporombojupi.

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

San Juan 21:17

Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

Hechos 1:24

Jayave oyerure reta Tumpa pe körai: “OreYa, nde reikuaa opaete ipɨa vae, eechauka oreve kia nunga ra reiparavo ma kuae mókoi kuimbae güi,

Hechos 25:11

Echa oime yave mbae ikavimbae yae ayapo amano vaerä, ngaraa etei mbae jae. Ërei kuae teko omboya reta cheré vae ayapoä reve, ngaraa kia ipuere chemee chupe reta. Aiporu mburuvicha guasu César chejäa vaerä.

2 Corintios 11:11

¿Maera pa körai jae? ¿Mbaetɨ ra poaɨu? ¡Tumpa oikuaa poaɨu ko!

2 Corintios 11:31

Tumpa, yandeYa Jesucristo Tu, imboetea avei vae oikuaa mbae jae vae añete ko.

2 Corintios 5:11

Jáeramo, yaikuaa yandeYa ñanejäata ramo ore romokɨ̈reɨ ïru vae reta güɨrovia vaerä yandeYa re. Tumpa orekuaa kërai ko ore vae. Mbae mona pe reta orekuaa vi.

DEUTERONOMIO 10:17

echa yandeYa Tumpa güɨnoi mbaepuere tumpa-raanga reta güi, jare imbaepuere yae ete mbaepuere güɨnoi vae reta güi, Tumpa tuicha yae vae jare imbaepuere yae vae, mbaetɨ oporomboyoavɨ jare mbaetɨ oipɨɨ vɨari mbae oyemboepɨ vɨarigüe;

1 Timoteo 6:16

jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

JOSUÉ 22:21

Jayave Rubén jare Gad iñemuña reta jare Manasés iñemuña reta oyemboyaogüe jei Israel iñemuña juvicha reta pe:

Apocalipsis 19:16

Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”

1 SAMUEL 2:3

Agüɨye kia timiari ipɨayemboete reve, agüɨye kia toyembotuicha yae iñee pe, echa Tumpa opaete mbae oikuaa vae jae ko yandeYa, jae ojäa opaete kuimbae jembiapo.