JOSUÉ 22:20 - Biblia Guarani Tumpa Iñee

²⁰ Pemaendúa Acán, Zera taɨ re, iyoa oñeñono tee okañɨtei vaerä vae re opoko yave, kuae jeko pegua ou arasɨ opaete Israel iñemuña reta re. ¡Jókuae kuimbae mbaetɨ jaeño oiporara iyoa re!

JOSUÉ 22:20 ပူးပေါင်းရင်းမြစ်များ

2 CRÓNICAS 24:18

jare oeya reta iyangarekoambae yandeYa jo, jae reta iñemuñagüe iTumpa jare omboete reta Asera iä jare ïru mbae iä reta ipoki vae oyapogüe reta. Jare kuae mbaeyoa jeko pegua Tumpa iyarasɨ Judá kotɨ jare Jerusalén kotɨ.

JOB 35:8

Kuimbae reta nde rami vae rerokomeguata ndeyoa pe, ani jupi vae reyapo vae rupi yogüɨreko kavita.

LEVÍTICO 10:6

Jayave Moisés jei Aarón pe jare taɨ reta Eleazar jare Itamar pe: —Agüɨye peekɨ peäka-ɨru, agüɨye pemondoro peremimonde mbɨatɨtɨ jeko pegua, agüɨye vaerä pemano, agüɨye vaerä Tumpa iyarasɨ ou opaete perëtara reta re, ërei opaete Israel iñemuña reta tipɨatɨtɨ kuae yandeYa opa oapɨ vae reta re.

1 Corintios 10:6

Jare Tumpa oechauka yandeve kuae mbaembae oasa jae reta ndive vae, agüɨye vaerä yande yaipotarai mbaembae ikavimbae jae reta oipotarai rami.

JOSUÉ 22:21

Jayave Rubén jare Gad iñemuña reta jare Manasés iñemuña reta oyemboyaogüe jei Israel iñemuña juvicha reta pe:

JOSUÉ 7:1

Ërei Israel iñemuña reta ombaeyavɨ yandeYa iyepopeyu oï jese vae rupi; echa Acán, Carmi taɨ, Zabdi jɨmɨmino, Zera jɨmɨmino yoapɨ ye, Judá iñemuña pegua, oipɨɨ iyeupe yandeYa iyepopeyu pe oï vae. Jáeramo yandeYa iyarasɨ Israel iñemuña reta kotɨ.

JOSUÉ 7:18

Jare Zabdi iñemuña reta ñavo güi oasa kuimbae reta yave, joko güi oyeparavo Acán, Carmi taɨ, Zabdi jɨmɨmino, Zera jɨmɨmino yoapɨ ye, Judá iñemuña reta güi.

JOSUÉ 7:24

Jayave Josué jare opaete Israel iñemuña reta ndive oipɨɨ Acán, Zera taɨ, jókuae korepoti, temimonde, oro, jare taɨ reta, tayɨ reta, igüeye reta, imburika reta, ivecha reta, iküaraɨa guakapi pegua jare opaete imbaembae, jare opa güɨraja reta ɨvɨtɨ päu Acor jee vae pe.

JOSUÉ 7:5

Jare Hai pegua reta oyuka Israel iñemuña reta güi treinta y seis rupi, jare omoña reta tëta jöke güive Sebarim kotɨ, jare omoamɨri reta yagüeyɨa pe. Jókuae jeko pegua opaete Israel iñemuña reta ipɨatɨtɨ yae jare ipɨa kɨɨye reta.

2 Pedro 2:6

Jaeramiño vi Tumpa ombou tata tëta guasu reta Sodoma jare Gomorra re opa vaerä omboai. Jaeño opɨta itanimbugüe. Jökorai opɨta opaete jeko kavimbae vae reta oikuaa vaerä.