JOSUÉ 22:19 - Biblia Guarani Tumpa Iñee

¹⁹ Peɨvɨ re pemae ikɨa vae ko yave, peyu yandeYa iɨvɨ pe, o yemboatɨa yandeYa imbae oïa pe, peyu peiko ore ndive. Ërei agüɨye pepɨapochɨ yandeYa kotɨ jare orekotɨ vi, agüɨye pemopüa peyeupe ïru mɨmba oyeyuka oyeapɨ jese vae yandeYa Tumpa imbae güi.

JOSUÉ 22:19 ပူးပေါင်းရင်းမြစ်များ

2 CRÓNICAS 11:13

Jare sacerdote reta jare levita reta opaete Israel pe ñogüɨnoi vae, yogüeru ketɨ ketɨ güi oñemoïru vaerä jae ndive.

ÉXODO 15:17

Nde reroiketa reñono reta, ɨvɨ nde remee chupe reta vae pe, nde reikoa pe, nde reyapo kavía pe, cheYa, o mbaemboete renda nde reiparavoa pe, cheYa.

DANIEL 10:13

Ërei ɨvɨ Persia re mburuvicha oyangareko vae cheopia veintiuno ara rupi; ërei araɨgua Miguel, metei mburuvicha tenondegua ete ou chemborɨ vaerä; jökorai aiko mburuvicha guasu reta Persia pegua ñogüɨnoia pe.

AMÓS 7:17

Jáeramo körai jei yandeYa: “Nderembireko oikota aguasa rupi kuae tëta guasu pe, nderaɨ reta jare nderayɨ reta omanota kɨsepuku pe, jare pe reta jare opaete Israel oyererajaukata tembipɨɨrä matɨ kuae peɨvɨ güi.”

JOSUÉ 18:1

Opaete Israel iñemuña reta oyomboatɨ Silo pe, jare joko pe omopüa reta o guakapi pegua opɨ̈ro güire ɨvɨ,

JOSUÉ 22:11

Ïru Israel iñemuña reta oendu amogüe jei, Rubén jare Gad iñemuña reta jare Manasés iñemuña reta oyemboyaogüe omopüa mɨmba oyeyuka oyeapɨ jese vae, ɨvɨ Canaán jembeɨ pe, ɨ̈aka Jordán jembeɨ pe, jókuae ïru ñemuña reta iɨvɨ jembeɨ pe;