JOSUÉ 22:15 - Biblia Guarani Tumpa Iñee

¹⁵ Opaete kuae reta yogüɨraja Galaad kotɨ, Rubén jare Gad iñemuña reta jare Manasés iñemuña reta oyemboyaogüe ñogüɨnoia pe, jare omomiari reta jei reta reve:

JOSUÉ 22:15 ပူးပေါင်းရင်းမြစ်များ

1 CRÓNICAS 21:3

Ërei Joab jei: —YandeYa tomoïru cien vese ye kuae tëta cheruvicha; ¿opaete jae reta ndeve oyeokuai vaeä pa ko? ¿Maera pa kuae reipota reyapo cheruvicha? ¿Maera pa reitɨta Israel iñemuña reta mbaeyoa pe?

2 CRÓNICAS 10:19

Jökorai Israel iñemuña reta oyembosɨrɨ David iñemuña reta güi añave regua.

2 CRÓNICAS 25:27

YandeYa güi Amasías oyembosɨrɨ güire, Jerusalén pegua reta omboɨpɨ oyovaicho ikotɨ, jare jae otekuarai Laquis kotɨ; ërei oaɨkuemoñauka reta jókuae tëta guasu kotɨ, joko pe oyuka reta.

2 CRÓNICAS 26:18

Jayave oyemboɨ reta mburuvicha guasu Uzías pe jei reta: “Oreruvicha, mbaetɨ ko ndepuere reapɨ vaerä ikäti kavi vae incienso yandeYa pe, jaeño sacerdote reta Aarón iñemuña reta oñeñono tee oapɨ vaerä. Eë o mbaemboetea güi, echa rembaeyavɨ ko, jare yandeYa Tumpa ngaraa ipɨakatu ndeve kuae re.”

2 CRÓNICAS 28:13

jare jei chupe reta: —Agüɨye peru kuae pe jókuae tembipɨɨ reta, echa jókuae rupi yandeyoata ko yandeYa kotɨ. Pe reta peipota pemoïru eteño yandeyoa jare yandereko, yandeYa iyarasɨ yaeta ko Israel kotɨ.

ESDRAS 9:15

OreYa Tumpa, Israel iTumpa, nde ko jupi vae, echa nde oremoembɨreuka mbovɨ añave rami. Ko roï nderóvai oreyoa reve, mbaetɨ jupi roï vaerä nderóvai kuae jeko pegua.”

ESDRAS 9:2

Echa jae reta jare taɨ reta güɨreko jókuae ɨvɨ pegua reta tayɨ, jökorai Tumpa jembiparavo reta oyea ïru tëta pegua reta ndive. Mburuvicha reta etei tenonde oyapo kuae mbaeyoa.”

SALMOS 78:8

agüɨye vaerä iñemuñagüe reta rami: Ipɨarai reta jare ipɨapochɨ reta, mbaetɨ metei reño iyemongeta reta. ¡Tumpa kotɨ ave mbaetɨ jupigüe oyapo reta!

ÉXODO 32:8

Jarembae yae opia reta che ayókuai reta vae güi, oyapo reta iyeupe toro taɨrusu vae iä oro pegua, oyemondɨkui oyeapo vae, omboete reta jare omee reta chupe mɨmba oyeyukagüe, jare jei reta: “¡Israel iñemuña reta, kuae ko jae petumpa, ɨvɨ Egipto güi perenoe vae!”

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

LEVÍTICO 26:40

Ërei peyemombeu yave ikavimbae peyapo vae re, peñemuñagüe reta oyapo rami peyapo vae re, jare oyovaicho reta yogüɨreko che ndive vae rami,

LEVÍTICO 5:19

Echa oyavɨ ko, iyoa ko chekotɨ.”

NÚMEROS 14:43

Echa Amalec iñemuña reta jare Cam iñemuña reta oime ñogüɨnoi joko pe perenonde, peyeyukaukata ko chupe reta; echa peäteɨ ma peguata yandeYa jupíe, jáeramo ngaraa ma yandeYa oï pe ndive.

NÚMEROS 32:15

Pe reta pepia Tumpa güi yave, jae pereeyata vi ɨma ñuu pe, jare opata pemboaiuka kuae tëta.

NÚMEROS 5:6

“Ere Israel iñemuña reta pe: Metei kuimbae ani kuña oyapo yave ikavimbae japicha kotɨ, jókuae agüɨyeta tëi oyapo vae rupi iyoa ko che iYa kotɨ,

San Mateo 18:17

Jare mbaetɨ oipota yave oyeapɨsaka jese reta ave, emombeu Tumpa jembiparavo reta pe. Ërei nerëtara mbaetɨ oipota oyeapɨsaka jókuae reta re ave yave, emae jese metei judiombae rami ani mburuvicha peguarä okovara vae rami.

1 Corintios 1:10

Cherɨvɨ reta, che pomoñera yandeYa Jesucristo jee re pemiari kavi metei rami, agüɨye peyemboyao oyougüi. Pomoñera peiko kavi vaerä oyoupi. Toyovake peyemongeta jare pepɨa yovake.

1 Corintios 5:4

Peyemboatɨ yandeYa Jesucristo jee re jare chepɨa pe aï pe ndive yave, yandeYa Jesucristo imbaepuere rupi,

DEUTERONOMIO 30:17

Ërei pepɨa osɨrɨ jare mbaetɨ peendu yave, peyemombiauka yave, pemboete tumpa ambuae reta yave, peyetavatɨka jóvai yave,

DEUTERONOMIO 7:4

Echa ombojopata ko peraɨ reta yandeYa güi, jare oyeokuai retata tumpa ambuae vae reta pe; jókuae jeko pegua yandeYa iyarasɨta pekotɨ, jare opata pemokañɨtei aramoete.

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

JOSUÉ 22:12

jare jókuae ɨvɨ pe Israel iñemuña reta ñogüɨnoi vae oendu yave kuae regua, oyomboatɨ opaete vae Silo pe, yogüɨraja vaerä oñeraro jókuae ïru ñemuña reta ndive.

JOSUÉ 22:14

Kuae sacerdote ndive omondo reta vi payandepo Israel iñemuña juvicha reta, yogüɨraja metei ñemuña ñavo jee re, jare jëtara ñavo jee re.

JOSUÉ 22:16

—Opaete ore roe yandeYa imbae vae reta jee re körai: ¿Maera pa peyapo jupimbae Israel iTumpa kotɨ? ¿Maera pa pepia jare pemopüa mɨmba oyeyuka oyeapɨ jese vae, pepɨapochɨ yandeYa kotɨ reve?

JOSUÉ 22:18

¿Jókuae jaekaviño maä pa, pe reta jekuae pesɨrɨ ye vaerä yandeYa güi? Pe reta añave pepɨapochɨ yandeYa kotɨ, pɨareve jae iyarasɨta opaete Israel iñemuña reta kotɨ.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”