JOSUÉ 21:45 - Biblia Guarani Tumpa Iñee

⁴⁵ Mbaetɨ metei ave ñee oyeapombae, opaete ñee ikavigüe yandeYa jei Israel iñemuña reta pe vae, opaetei oyeapo.

JOSUÉ 21:45 ပူးပေါင်းရင်းမြစ်များ

1 REYES 8:15

Jei: “Toyemboete yandeYa, Israel iTumpa, cheru David ndive imiari vae, jare iñee ombopo vae, jei reve:

1 REYES 8:20

Jare yandeYa ombopo iñee jeigüe vae; echa che apüa cheru David jekovia pe, jare aguapɨ Israel pe mburuvicha guasu iguapɨa pe yandeYa jei rami, jare amopüa tupao yandeYa Israel iTumpa jee re.

1 REYES 8:24

rembopo neñererökuavee nderembiokuai cheru David pe; rere vae, jare rembopo, añave oasa oï rami.

1 REYES 8:56

“¡Toyemboete yandeYa mbɨakatu omee imbae vae tëta Israel pe vae, jae oñererökuavee rupi! Echa mbaetɨ etei ombopombae jae oñererökuavee jembiokuai Moisés rupi vae.

NEHEMÍAS 9:8

Jare reecha ipɨa jupi ndekotɨ, jare reyapo morogüɨrökuavee päve jae ndive, remee vaerä chupe jare iñemuña reta pe cananeo reta iɨvɨ, heteo reta, amorreo reta, ferezeo reta, jebuseo reta jare gergeseo reta imbae. ¡Jare nde rembopo neñee, echa nde ko jupi vae!

ISAÍAS 48:3

Mbaembae oasa vae iyɨpɨ güive voi ma ko amombeu peve, che etei ko aikuaauka. Güɨramoiño amboɨpɨ ayapo jare opa oyembopo.

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

1 Corintios 1:9

Tumpa ombopo avei iñee vae ko. Jae peparavo, peiko vaerä metei rami Taɨ yandeYa Jesucristo ndive.

1 Tesalonicenses 5:24

Peparavo vae iñee ombopo avei vae ko, jae ombopota opaete kuaekuae.

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

1 SAMUEL 3:19

Jare Samuel okuakuaa, jare yandeYa oï jae ndive, mbaetɨ iñee oasaiño ombopombae reve.