JOSUÉ 21:44 - Biblia Guarani Tumpa Iñee

⁴⁴ Jare yandeYa omee yogüɨreko pɨagüive vaerä jókuae ɨvɨ pe, jae oñererökuavee jee re ae Israel iñemuñagüe reta pe rami; jare opaete jovaicho reta güi mbaetɨ metei ave ipuere oñeraro jae reta ndive, echa yandeYa omee jae reta ipo pe opaete jovaicho reta.

JOSUÉ 21:44 ပူးပေါင်းရင်းမြစ်များ

2 CRÓNICAS 13:16

Israel pegua reta otekuarai Judá pegua reta güi, echa Tumpa omee jae reta ipo pe.

ÉXODO 23:31

Ambojaanga peɨvɨ iyapɨ Ɨguasu Pɨ̈ta vae güive filisteo reta iɨguasu kotɨ, jare ñuu güive ɨ̈aka Éufrates kotɨ, echa añono pepo pe opaete jókuae ɨvɨ pe yogüɨreko vae reta, jare pe opata pemoë pemombo peyeugüi.

ÉXODO 33:14

Jare Tumpa jei chupe: —Che etei aïta nde ndive, jare mbaetɨta ma mbae re reyemoambeko.

ISAÍAS 63:14

YandeYa iespíritu oyangareko jese reta, metei mɨmba ogüeyɨ ɨvɨpe kavi pe rami; jökorai oyangarekose imbae vae reta re, jókuae rupi jee oyemboeteuka yae ete.

DEUTERONOMIO 2:36

Aroer güive, jae ko ɨ̈aka Arnón pegua iyɨ́vɨri, ojoi oväe Galaad pe mbaetɨ metei tëta ave oasayepe yandegüi, opaetei yandeYa Tumpa omee yandepo pe.

DEUTERONOMIO 21:10

Peo yave peñoraro perovaicho reta ndive, jare yandeYa Tumpa omee pepo pe yave, jare peipɨɨ tembipɨɨrä,

Hebreos 4:9

Jáeramo, oimeño vɨteri ko mbutuu Tumpa imbae vae reta peguarä.

JOSUÉ 1:13

Pemaendúa yandeYa jembiokuai Moisés, peokuai vae re: —YandeYa Tumpa omee peve kuae ɨvɨ pepuere vaerä peiko pɨagüive.

JOSUÉ 1:15

yandeYa omee ɨvɨ perëtara reta pe vae pe, yogüɨreko pɨagüive regua, peve omee rami, jae reta togüɨnoi vi ɨvɨ, yandeYa Tumpa omeeta chupe reta vae; jaɨkue rupi peyerova ye peɨvɨ kotɨ peiko ete vaerä pɨpe, kuae ɨ̈aka Jordán jovaicho kotɨ, kuaraɨ oëa kotɨ, Moisés, yandeYa jembiokuai omee peve vae pe.

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.

JOSUÉ 11:12

Jökoraiño vi Josué oyapo opaete ïru tëta guasu reta, tëta guasu Hazor ndive oyapo reta ñemoïru vae: Opɨ̈ro jare oyuka kɨsepuku pe opaete juvicha guasu reta, jare opa omboai Moisés, yandeYa jembiokuai oyókuai rami.

JOSUÉ 11:23

Josué opɨ̈ro opaete ɨvɨ, yandeYa jei Moisés pe vae rami; jare omboyao Israel iñemuña reta imbaerä, ñemuña reta ñavo pe. Jökorai oputuu reta ñeraro güi jókuae ɨvɨ pe.

JOSUÉ 11:8

javoi yandeYa omee Israel iñemuña reta ipo pe, jare oyuka reta jare oaɨkuemoña reta güɨraja tëta guasu Sidón kotɨ, Misrefot-maim kotɨ, ɨvɨpe kavi Mizpa kotɨ, kuaraɨ oëa kotɨ jare oyuka reta oeyambae reve metei ave.

JOSUÉ 2:24

Jei reta Josué pe: “YandeYa omee yandepo pe opaete kuae ɨvɨ. Opaete kuae ɨvɨ ipo reta ipɨtu ñogüɨnoi yanderenonde.”

JOSUÉ 22:4

Añave, yandeYa Tumpa omee perëtara reta pe yogüɨreko pɨagüive vaerä, jae güɨrökuavee rami, peyerova ye peteyupa pe, peɨvɨ ae kotɨ, Moisés, yandeYa jembiokuai omee peve ɨ̈aka Jordán jovaicho kotɨ vae pe.

JOSUÉ 22:9

Jökorai Rubén jare Gad iñemuña reta, jare Manasés iñemuña reta oyemboyaogüe oyerova ye, jökorai osɨrɨ oyougüi ïru ñemuña reta ndive Silo pe Canaán pe oï vae pe, opa vaerä yogüɨraja ɨvɨ oñemee chupea pe Galaad pe, yandeYa oyókuai Moisés omee chupe reta vae pe.

JOSUÉ 23:1

Ɨma ma yandeYa omee yogüɨreko pɨagüive Israel iñemuña reta opaete jovaicho iyɨvɨrigua reta güi yave, jare Josué indechi yae ma yave,