JOSUÉ 21:43 - Biblia Guarani Tumpa Iñee

⁴³ Körai yandeYa omee Israel iñemuña reta opaete kuae ɨvɨ, jae oñererökuavee jee re ae omee vaerä iñemuñagüe reta pe vae, oike reta opɨ̈ro jare yogüɨreko jókuae ɨvɨ pe.

JOSUÉ 21:43 ပူးပေါင်းရင်းမြစ်များ

GÉNESIS 12:7

YandeYa oyekuaa Abram pe, jare jei chupe: “Neñemuña reta pe ameeta kuae ɨvɨ.” Jayave Abram omopüa mɨmba oyeyuka oyeapɨ jese vae yandeYa peguarä, jókuae jae oyekuaa chupea pe.

GÉNESIS 13:15

echa opaete kuae ɨvɨ remae reï jese vae ameeta ndeve jare neñemuña reta peguarä jekuae avei pegua.

GÉNESIS 28:4

Jare tomee ndeve mborerekua Abraham pe güɨrökuavee vae, jökoraiño vi neñemuña reta pe, reiko vaerä kuae ɨvɨ yaiko pɨpe vae iyarä, Tumpa omee Abraham pe vae.”

2 CRÓNICAS 20:8

Jare jae reta yogüɨreko kuae ɨvɨ pe, pɨpe omopüa reta nderee re tupao guasu, jei reta reve:

NEHEMÍAS 9:24

Jare jae reta oike opɨ̈ro ɨvɨ Canaán, jare remomichi jae reta jóvai opaete kuae ɨvɨ pegua reta, juvicha guasu reta, opaete kuaeɨgua reta, jökorai jae reta oyapo vaerä chupe ipɨa jemimbota.

NEHEMÍAS 9:8

Jare reecha ipɨa jupi ndekotɨ, jare reyapo morogüɨrökuavee päve jae ndive, remee vaerä chupe jare iñemuña reta pe cananeo reta iɨvɨ, heteo reta, amorreo reta, ferezeo reta, jebuseo reta jare gergeseo reta imbae. ¡Jare nde rembopo neñee, echa nde ko jupi vae!

SALMOS 105:8

Jae imaendúa avei iporogüɨrökuavee päve re, jókuae jekuae avei pegua oyapo vae re,

SALMOS 44:3

Echa mbaetɨ opɨ̈ro reta kuae ɨvɨ ikɨsepuku ae pe, mbaetɨ ko iyɨva pe ave oyeepɨ reta. ¡Jaeño ko ndeyɨva jare ndembaepuere rupi! ¡Jembipe reyekuaa vae rupi, echa nde reaɨu yae reta!

SALMOS 78:55

Jae reta jenonde güi opa güɨnoe omombo tëtaguasu reta; tɨmasa pe ojäa iɨvɨgüe jae reta imbaerä, jare jëtagüe reta omee Israel iñemuña reta yogüɨreko vaerä pɨpe.

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

NÚMEROS 33:53

Pepɨ̈ro jókuae ɨvɨ jare peiko pɨpe; echa che ko amee peve pembaerä.

NÚMEROS 34:2

“Eyókuai Israel iñemuña reta körai: Peike ma ɨvɨ Canaán pe yave, jókuae ɨvɨ jae ko pembaerä, köraita jókuae ɨvɨ jembeɨ:

DEUTERONOMIO 11:31

Echa pe jaema peasata Jordán peo vaerä pepɨ̈ro ɨvɨ yandeYa Tumpa omee peve vae, pepɨ̈ro jare peiko ma pɨpe yave,

DEUTERONOMIO 12:29

YandeYa Tumpa opa ma omboai perenonde güi tëtaguasu reta yave, jókuae peota pepɨ̈ro peiko vaerä pɨpe vae,

DEUTERONOMIO 17:14

Peike ma yave yandeYa Tumpa omee ɨvɨ pevea pe, pepɨ̈ro jare peiko ma pɨpe yave, güɨramoi pere: ‘Ñañono vi metei mburuvicha guasu, yandeyeupe, opaete tëtaguasu yandeɨvɨrigua reta güɨnoi rami.’

DEUTERONOMIO 34:4

Jare jei chupe yandeYa: “Kuae ko jae ɨvɨ arökuavee cheree re Abraham, Isaac jare Jacob pe vae, jae chupe körai: ‘Neñemuña reta pe ameeta.’ Amaeño reecha etei vaerä nderesa pe, ërei ngaraa reasa jokotɨ.”

JOSUÉ 1:6

Eñemomïrata jare eñemoäta ngatu, echa nde remboyaota kuae reta imbaerä, jókuae ɨvɨ arökuavee cheree re peñemuñagüe reta pe amee vaerä vae.

JOSUÉ 21:42

Jare kuae tëta guasu reta mbaetɨ köi ñogüɨnoi oyougüi, metei ñavo güɨnoi iyɨ́vɨri rupi mɨmba ikaruarä. Jökorai metei ñavo opaete kuae tëta guasu reta.

JUECES 11:24

Netumpa Quemos omee mbae ndeve yave, ¿ndembaeä pa? Jökorai ko oreYa Israel iTumpa opa omoë omombo vae reta imbaegüe opɨta orembaerä.

1 SAMUEL 12:8

Jacob oike ɨvɨ Egipto pe yave, peñemuñagüe reta osapúkai yandeYa kotɨ oiporara reta yave, yandeYa ombou Moisés jare Aarón, jare jae reta güɨnoe peñemuñagüe reta Egipto güi, jare güeru oñono reta kuae ɨvɨ pe.