JOSUÉ 20:4 - Biblia Guarani Tumpa Iñee

⁴ Jare ojo yave oñepɨ̈ro vaerä jókuae tëta guasu pe, tojo jókuae tëta guasu jöke pe, jare timiari oyapogüe re jókuae tëta guasu pegua tenondegua reta pe. Jayave jae reta tomaeño toike jare tomee reta chupe oiko vaerä joko pe.

JOSUÉ 20:4 ပူးပေါင်းရင်းမြစ်များ

JOB 29:7

Aë yepi tëta guasu jöke pe aporojäa vaerä, jare oka guasu pe ayapokaviuka cherendarä.

JOB 5:4

Taɨ reta mbaetɨ kia omborɨ; mburuvicha reta mbaetɨ omae kavi jese reta, jare mbaetɨ kia oepɨ reta vaerä.

SALMOS 26:9

Agüɨye cheyuka iyoa vae reta ndive; agüɨye tasusere oporoyuka vae reta ndive.

PROVERBIOS 31:23

Ime, jërakua kavi yae tëta guasu jöke pe, oguapɨ yave jókuae tëtaguasu pegua tenondegua reta ipɨte pe.

JEREMÍAS 38:7

Jare Ebed-melec eunuco Etiopíaɨgua, mburuvicha guasu jo pegua, oikuaa Jeremías oñono reta ɨrɨru pe. Jare mburuvicha guasu oguapɨ oñono kavi teko oï öke Benjamín jee vae pe.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

JOSUÉ 20:3

Kia nunga vae oyuka yave japicha oyemongetambae reve, ipuere otekuarai jokotɨ oñepɨ̈ro vaerä jókuae omano vae jëtara ipo güi.