JOSUÉ 2:18 - Biblia Guarani Tumpa Iñee

¹⁸ Ërei ore roike ma kuae ɨvɨ pe yave, nde eñapɨti kuae tɨmasa pɨ̈ta vae kuae ventana orembogüeyɨ jupi vae re; jare emboatɨ ndero pe nderu jare ndesɨ, ndekɨvɨ reta jare opaete nderu jëtara reta.

JOSUÉ 2:18 ပူးပေါင်းရင်းမြစ်များ

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 7:1

Jaɨkue rupi yandeYa jei Noé pe: “Eike nde jare opaete ndero pegua reta ndive arca pe. Echa aecha ndeño jupi reguata cheróvai opaete vae reta güi.

ESTER 8:6

Echa, ¿këraita pa aropɨa cherëtaɨgua reta pe ou oväe ikavimbae vae? ¿Këraita pa aropɨa opa oñemokañɨtei vae?

ÉXODO 12:13

Jare tugüɨ toï ikañɨmaa vaerä opaete o reta peïta pɨpe vae rupi; tugüɨ aecha yave che aasata pegüi, jare mbaetɨta peiporara kuae mbaesusere Egipto re aitɨ aï yave.

CANTARES 4:3

Nderembe pɨ̈ta kavi, inimbo pɨ̈ta vae rami, neñee pöra yae. Nderova, granada ia iyɨvɨte rami neäka-soia igüɨ pe.

LEVÍTICO 14:4

sacerdote tomondouka togüeru oyetɨo oï vae pe mókoi güɨra oyeu vae oikovegüe, jare ɨ̈vɨrare, temimonderä pɨ̈ta vae jare ñana hisopo jee vae.

NÚMEROS 19:6

Jaɨkue rupi sacerdote toipɨɨ ɨ̈vɨrare, ñana hisopo jare temimonderä pɨ̈ta vae, jare toitɨ tata pe, guaka ókai oïa pe;

NÚMEROS 4:8

Jare kuaekuae iárambo toñono reta temimonderä vae vecharaagüe pegua pɨ̈taasɨ vae, jare toyasoi mɨmba pire ikavi yae vae pe; jare toñono reta jese iɨ reta.

San Lucas 19:9

Jayave Jesús jei: —Kuae ara yemboasa ou kuae o pe. Echa jae vi ko Abraham iñemuña pegua.

Hechos 10:27

Jare imiari jae ndive ramboeve, Pedro oike jo pe, jare oecha jeta vae yatɨ ñogüɨnoi joko pe.

Hechos 10:33

Jáeramo jupiveiño amondo ndekotɨ, jare yasoropai reyu vae re. Añave ore ko roï opaete kuae pe Tumpa jóvai, roendu vaerä opaete jae ndeokuai vae.

Hechos 11:14

Jae omombeuta ñee ndeve, jare opaete nerëta pegua reta pe peyemboasauka vaerä.

2 Timoteo 1:16

YandeYa toiparareko Onesíforo jo pegua reta, echa jae jeta vese chemboyerovia, jare mbaetɨ imara opou vaerä chépɨri, yepe tëi aiko tembipɨɨrɨru pe.

Hebreos 9:19

Echa Moisés opa güire omombeu Israel pegua reta pe opaete mborookuai reta, jayave oiporu toro taɨrusu vae reta jugüɨ jare kavara kuimbae reta jugüɨ, ɨ, vecharaagüe oñemopɨ̈tagüe jare ñana hisopo, pɨpe oñapiramo tembikuatía jare opaete vae reta,

JOSUÉ 2:21

Jare Rahab jei: —Toiko jökorai, pe pere rami. Jayave Rahab opa omondo reta, jare opa yogüɨraja. Javoi jae oñapɨti jókuae tɨmasa pɨ̈ta vae ventana re.

JOSUÉ 6:23

Jayave oporopïaro vae reta oike jare güɨnoe Rahab, jare tu, ichɨ, ikɨvɨ reta, jare opaete imbae vae reta; güɨnoe reta vi opaete jëtara, jare oñono reta Israel iñemuña reta jeyupa güi ikatu pe.

JOSUÉ 6:25

Ërei Josué güɨroasayepe Rahab iyaguasa pota vae jekove jare opaete tu jo pegua reta, jare opaete jae imbae vae reta; Josué omondo Jericó re omae vae reta omoñemi jeko pegua. Jayave güive añave rupi Rahab iñemuña reta yogüɨreko Israel iñemuña reta ipɨte pe.