JOSUÉ 2:11 - Biblia Guarani Tumpa Iñee

¹¹ Kuae roendu ramboeve, opaetei rorɨrɨi rokɨɨye güi; mbaetɨ etei mɨ̈rata opɨta metei kuimbae re ave pereko pegua, echa peYa Tumpa, jae ko Tumpa ɨvate ara pe jare kuae ɨvɨ pe.

JOSUÉ 2:11 ပူးပေါင်းရင်းမြစ်များ

1 REYES 8:60

Jökorai oikuaa reta vaerä opaete ɨvɨ pegua tëtaguasu reta yandeYa jae ko Tumpa, mbaetɨ yé ïru Tumpa vae.

2 REYES 5:15

Jare oyerova ye Tumpa iñeemombeúa kotɨ, jae jare opaete iguataïru reta ndive, jare oyemboɨ jae jóvai, jare jei: —¡Añave aikuaa, mbaetɨ yepe Tumpa opaete ɨvɨ pe, jaeño oime Israel pe! Romoñera reipɨɨ vaerä mbae nunga mbota yepe, kuae che arugüe güi.

NEHEMÍAS 6:16

Jare kuae oendu opaete orerovaicho reta yave, okɨɨye opaete vae tëta guasu reta oreɨ́vɨri ñogüɨnoi vae, jare oyandu oñemomichiuka yae opɨta reta, echa oikuaa oreTumpa imbaepuere rupi oyeapo kuae mbaravɨkɨ vae.

ESTER 8:17

Opaete tëta ñavo mburuvicha guasu iporookuai ojoa rupi, Judáɨgua reta oyerovia yae jare ipɨakatu, jare oyapo reta arete okaru vaerä jókuae ara. Jare jeta jókuae tëtaɨgua reta oyeapo Judaɨguarä, echa okɨɨye reta Judáɨgua reta güi.

SALMOS 102:15

Opaete tëtaguasu reta jare mburuvicha guasu reta oipoɨuta yandeYa jee imboetea yae vae güi.

SALMOS 22:14

Aiko ɨ oyepɨyere vae rami; mbaetɨecha chekägüe iyoapɨa. Chepɨa iraitɨ rami, ochɨrɨrɨecha cheɨvɨte pe.

SALMOS 58:7

Tokañɨ reta ɨ osɨrɨ vae rami; juvɨ ojäa yave, topa topë topë;

SALMOS 83:18

¡Toikuaa reta nde jae ko Tumpa vae, ndeño ko jae Tuichagüe yae ete opaete ɨvɨ re vae!

ÉXODO 15:14

Opaete tëta reta oendu yave orɨrɨi retata; mbae jasɨ güi oyeetepokata filisteo reta,

ÉXODO 15:15

jayave Edom pegua sundaro ruvicha reta opata ipɨajopa; Moab pegua jëia yae vae reta orɨrɨita okɨɨye güi; ipɨtuta opaete Canaán pe yogüɨreko vae reta.

ISAÍAS 13:7

Jáeramo, opaete vae ipɨtuta, opaete vae ipɨa jëogüeta,

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

EZEQUIEL 21:15

Kuae kɨsepuku oporomongɨɨye yaeta, jeta yaeta oporoyuka. Opaete o reta rupi oimeta kɨɨye kɨsepuku oporoyuka vae güi. Kuae kɨsepuku jembipe oï overa vaerä, oyeimbeeasɨ oporoaseokɨ̈ti vaerä vae.

NAHUM 2:10

Oyemboai jare ipombae opɨta, jökorai opɨta Nínive. Ipɨakɨɨye yae reta, orɨrɨi itava reta, opaete vae pe oata mɨ̈rata jare jova ambuae yae opɨta reta.

DEUTERONOMIO 1:28

Jare añave, ¿ketɨ pa yajata? Ñanerëtara reta omombeu kavi ma oechagüe, jei reta: Tëta tuicha yae jare imbaepuere yae vae ko, jare ikësea reta ɨvategüe, roecha vi Anac iñemuña reta. Opaete kuaekuae roendu yave oreiämondo yae.’

DEUTERONOMIO 20:8

Jaɨkue rupi mburuvicha reta timiari sundaro reta pe, körai: ‘Oime yave kia okɨɨye jare ipuereä vae, tojo ye jëta pe, agüɨye vaerä ombopɨtu japicha reta.’

DEUTERONOMIO 4:39

Jáeramo pemaendúa katu, peñono pepɨa pe yandeYa jae ko Tumpa, ara pe jare ɨvɨ pe, mbaetɨ yé kia.

JOSUÉ 14:8

Jare tëtara che ndive yogüeru vae reta ombopɨa kɨɨyeuka opaete vae; ërei che ayeko cheYa Tumpa kotɨño.

JOSUÉ 2:24

Jei reta Josué pe: “YandeYa omee yandepo pe opaete kuae ɨvɨ. Opaete kuae ɨvɨ ipo reta ipɨtu ñogüɨnoi yanderenonde.”

JOSUÉ 5:1

Opaete mburuvicha guasu, amorreo reta juvicha reta ɨ̈aka Jordán güi kuaraɨ oikea kotɨ ñogüɨnoi vae reta jare opaete mburuvicha guasu Canaán pegua reta, köiño yogüɨreko ɨguasu güi vae reta oendu kërai yandeYa opa omondɨpa ɨ̈aka Jordán Israel iñemuña reta opa oasa regua yave, okɨɨye yae reta, mbaetɨ oñemokɨ̈reɨ reta oñeraro vaerä Israel iñemuña reta ndive.

JOSUÉ 7:5

Jare Hai pegua reta oyuka Israel iñemuña reta güi treinta y seis rupi, jare omoña reta tëta jöke güive Sebarim kotɨ, jare omoamɨri reta yagüeyɨa pe. Jókuae jeko pegua opaete Israel iñemuña reta ipɨatɨtɨ yae jare ipɨa kɨɨye reta.

JOSUÉ 9:24

Jare Gabaón pegua reta jei Josué pe: —Royapo ko kuae, echa rokɨɨye yae nde opata oreyuka vae güi, echa jërakua oreve, peYa Tumpa oyókuai jembiokuai Moisés, omee vaerä peve opaete kuae ɨvɨ jare pemokañɨtei vaerä opaete kuae ɨvɨ pe yogüɨreko vae reta.

Apocalipsis 6:16

jare jei reta ɨvɨtɨ reta jare ɨ̈vavira reta pe: “¡Pea oreré, oreomi pea mburuvicha iguapɨa pe oguapɨ vae jóvai güi jare Vecha kuimbae taɨrusu vae iyarasɨ güi!”