JOSUÉ 2:10 - Biblia Guarani Tumpa Iñee

¹⁰ Echa roendu kërai peYa opa omondɨpa Ɨguasu Pɨ̈ta vae peasa vaerä Egipto güi peë yave; jare kërai opa pemokañɨtei, jókuae mókoi mburuvicha guasu reta, Sehón jare Og, amorreo reta juvicha guasu, ɨ̈aka Jordán jovaicho kotɨ ñogüɨnoi vae reta.

JOSUÉ 2:10 ပူးပေါင်းရင်းမြစ်များ

SALMOS 74:15

Reipea ɨesaɨ jare ɨ̈aka, rembondɨpa ɨ̈aka tɨpambae yepi vae.

NÚMEROS 20:14

Moisés omondo ɨvɨ Cades güi, jekovia pe kuimbae reta imiari vaerä Edom iñemuña reta juvicha guasu ndive, jei reve: “Körai jei nerëtara Israel iñemuña reta: ‘Nde reikuaa jeta mbaembae ou oreve vae.

NÚMEROS 23:22

Tumpa ko, Egipto güi güɨnoe reta; jae ko ipɨ̈rata yae chupe reta toro rami.

NÚMEROS 24:8

Tumpa ko, Egipto güi güɨnoe reta; jae ko ipɨ̈rata yae chupe reta toro rami. Israel iñemuña reta opata omokañɨtei tëtaguasu tovaicho reta, opata oikägüe rakɨo reta, oñɨvota mii raɨ ipo pegua pe.

DEUTERONOMIO 2:30

Ërei ngatu Sehón mburuvicha guasu Hesbón pegua mbaetɨ oipota yandemboasa iɨvɨ rupi, echa yandeYa Tumpa yepe ombopɨa täta jare jëguambae oyapo, jökorai oñono vaerä pepo pe añave regua.

JOSUÉ 24:12

Jare mókoi mburuvicha guasu reta, amorreo reta juvicha guasu mbaetɨ pe reta pemoamɨri kɨsepuku pe ani uvɨ pe, echa che ambou kɨɨye yavaetegüe perenonde, jae reta opa vaerä otekuarai pegüi ndei peväe joko pe mbove.

JOSUÉ 4:24

Opaete ɨvɨ pegua reta oikuaa vaerä yandeYa imbaepuere, jare pe peipoɨu vaerä yandeYa Tumpa güi opaete ara rupi.”

JOSUÉ 5:1

Opaete mburuvicha guasu, amorreo reta juvicha reta ɨ̈aka Jordán güi kuaraɨ oikea kotɨ ñogüɨnoi vae reta jare opaete mburuvicha guasu Canaán pegua reta, köiño yogüɨreko ɨguasu güi vae reta oendu kërai yandeYa opa omondɨpa ɨ̈aka Jordán Israel iñemuña reta opa oasa regua yave, okɨɨye yae reta, mbaetɨ oñemokɨ̈reɨ reta oñeraro vaerä Israel iñemuña reta ndive.

JOSUÉ 9:10

jare opaete oyapo jókuae mókoi mburuvicha guasu reta pe vae, amorreo reta juvicha guasu yogüɨreko ɨ̈aka Jordán jovaicho kotɨ vae pe: Sehón mburuvicha guasu Hesbón pegua pe jare Og mburuvicha guasu Basán pegua pe, Astarot pe oikose vae.