JOSUÉ 19:51 - Biblia Guarani Tumpa Iñee

⁵¹ Opaete kuae ɨvɨ jae ko sacerdote Eleazar, Josué, Nun taɨ jare Israel iñemuña juvicha reta omboyao suerte rupi Israel iñemuña reta pe vae, o yemboatɨ renda jöke pe yandeYa jóvai Silo pe. Jökorai opa omboyao reta ɨvɨ.

JOSUÉ 19:51 ပူးပေါင်းရင်းမြစ်များ

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

SALMOS 78:60

Jáeramo, oeya tupao guakapi pegua Silo pe oï vae, küaraɨa guakapi pegua, pɨpe oikose kuimbae reta ipɨte pe vae.

San Mateo 20:23

Jare Jesús jei chupe reta: —Añete pe reta peiporarata che aiporarata vae. Ërei mbaetɨ chepuere jae peve peguapɨ vaerä cheɨpɨ pe. Echa cheRu ko omokätɨro ma joko pe oguapɨta vae reta peguarä.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Juan 17:2

Echa nde remee cheve mbaepuere anoi vaerä opaete re, amee vaerä tekove opambae vae opaete nde nemee cheve vae reta pe.

Hechos 13:19

jare opa omboai yave Canaán güi chiu tëtaguasu pegua reta, omee kuae reta iɨvɨgüe ñaneñemuñagüe reta imbaerä.

JOSUÉ 14:1

Kuaekuae ko jae ɨvɨ Canaán, Israel iñemuña reta opɨ̈ro imbaerä vae, kuae omboyao chupe reta sacerdote Eleazar, Josué, Nun taɨ jare Israel iñemuña juvicha reta ñavo ndive.

JOSUÉ 18:1

Opaete Israel iñemuña reta oyomboatɨ Silo pe, jare joko pe omopüa reta o guakapi pegua opɨ̈ro güire ɨvɨ,

JOSUÉ 18:10

Jayave Josué omboyao ɨvɨ suerte rupi yandeYa jóvai Silo pe, jökorai omboyao ɨvɨ Israel iñemuña reta imbaerä.

JOSUÉ 20:1

YandeYa jei Josué pe:

JUECES 21:19

Ërei ngatu oime año ñavo arete tuicha vae oyeapo Silo pe yandeYa peguarä, jae ko Bet-el güi ɨvɨtuguasu kotɨ tape Bet-el güi ojo Siquem kotɨ vae güi kuaraɨ oëa kotɨ, Lebona güi arayevɨ kotɨ.”

JUECES 21:21

jare peïndaivi peï. Jare peecha kuñatai reta ñogüɨnoe opɨrae yave, peë jókuae peñemía güi jare peñomi peävo kuñatai, jare peraja peɨvɨ pe.

1 SAMUEL 1:3

Año ñavo jókuae kuimbae ojo jëta güi tëta Silo jee vae pe ombaemboete vaerä jare omee vaerä mɨmba oyeyukagüe yandeYa imbaepuere yae ete vae pe. Jókuae mókoi Elí taɨ yogüɨrekoa pe, Ofni jare Finees, yandeYa isacerdote.