JOSUÉ 18:8 - Biblia Guarani Tumpa Iñee

⁸ Jayave jókuae kuimbae reta ɨvɨ iä oikuatiata vae opüa yogüɨraja yave, Josué jei chupe reta: “Pekua opaete ɨvɨ rupi jare pemboyao, jare peyerova ye opa peyapo yave, che ayapo vaerä suerte kuae Silo pe, yandeYa jóvai.”

JOSUÉ 18:8 ပူးပေါင်းရင်းမြစ်များ

GÉNESIS 13:17

¡Añave, epüa jare ekua emae kuae ɨvɨ ipukugüe re jare ipɨguasugüe re, echa ameeta ko ndeve!”

ISAÍAS 34:17

Jae etei ko opa omboyao yao chupe reta jendarä, omee chupe reta kia pe yogüɨreko vaerä, joko pe yogüɨreko avei retata, jekuae avei rupi.

Romanos 14:19

Jáeramo, yaeka yayombopɨakatu jare ñañomomɨ̈rata vaerä.

JOSUÉ 13:7

Emboyao añave kuae ɨvɨ chau ñemuña pe, jare Manasés iñemuña reta oyemboyaogüe pe.”

JOSUÉ 15:1

Judá iñemuña reta omboresive ɨvɨ suerte rupi, jëtara ñavo rupi vae, ojo oväe Edom jembeɨ pe, jare arayevɨ kotɨ güɨnoi jembeɨrä ñuu Zin,

JOSUÉ 18:1

Opaete Israel iñemuña reta oyomboatɨ Silo pe, jare joko pe omopüa reta o guakapi pegua opɨ̈ro güire ɨvɨ,

JOSUÉ 18:10

Jayave Josué omboyao ɨvɨ suerte rupi yandeYa jóvai Silo pe, jökorai omboyao ɨvɨ Israel iñemuña reta imbaerä.

JOSUÉ 18:6

Pe reta peikuatía peru jókuae ɨvɨ iä chiu yemboyao pe, jare peru cheve, jare che ayapota suerte kuae pe yandeYa Tumpa jóvai.

JOSUÉ 18:9

Jayave jókuae kuimbae reta opa yogüɨraja jare oguata reta opaete ɨvɨ rupi, omboyao reta tëta guasu reta chiu yemboyao pe, jare oikuatía reta güeru iä. Javoi yogüeru ye Josué oïa pe, teyupa pe, Silo pe.

1 SAMUEL 14:41

Jayave Saúl jei yandeYa Israel iTumpa pe: —Eechauka oreve jupi vae suerte rupi. Jare suerte oa Saúl re jare Jonatán re, jare sundaro reta opɨta jekombae.