JOSUÉ 18:7 - Biblia Guarani Tumpa Iñee

⁷ Ërei Leví iñemuña reta pe mbaetɨta ɨvɨ oyemboyao pepɨte pe, echa jae reta ko yogüɨrekota sacerdoterä yandeYa pe. Gad jare Rubén iñemuña reta jare Manasés iñemuña reta oyemboyaogüe oime ma güɨnoi reta iɨvɨ, ɨ̈aka Jordán jovaicho kotɨ kuaraɨ oëa kotɨ, Moisés yandeYa jembiokuai omee chupe reta vae.”

JOSUÉ 18:7 ပူးပေါင်းရင်းမြစ်များ

NÚMEROS 18:20

Jare yandeYa jei Aarón pe: “Nde mbaetɨta ndeɨvɨ nerëtara Israel iñemuña reta rami, jare jae reta ipɨte pe ave mbaetɨta ndembae ɨvɨ. Che ko jae ndembaeyekou Israel iñemuña reta ipɨte pe.

NÚMEROS 18:23

Leví iñemuña reta toyapo mbaravɨkɨ tupao guakapi pegua pe, jae reta toiporara jeko ae re; mborookuai jekuae avei pegua ko peñemuña reta peguarä; mbaetɨta Leví iñemuña reta güɨnoi imbaerä ɨvɨ, Israel iñemuña reta ipɨte pe.

NÚMEROS 18:7

ërei nde jare nderaɨ retaño pepuere peyapo sacerdote iparavɨkɨ mɨmba oyeyuka oyeapɨ jese vae pe ani tupao japɨpe pe. Echa che ko amee peve kuae mbaravɨkɨ sacerdote pegua; jare oipotagüe oyapo yave, tomano.”

DEUTERONOMIO 10:9

Jáeramo Leví iñemuña reta mbaetɨ güɨnoi ɨvɨ imbaerä jëtara reta ipɨte pe, jae reta imbae ko yandeYa etei; yandeYa Tumpa jei chupe reta rami.)

JOSUÉ 12:6

Moisés jare Israel iñemuña reta omoamɨri kuae mburuvicha guasu reta, jare Moisés omee kuae ɨvɨ reta Rubén jare Gad iñemuña reta imbaerä, jare Manasés iñemuña oyemboyaogüe reta imbaerä.

JOSUÉ 13:33

Ërei Moisés mbaetɨ omee ɨvɨ Leví iñemuña reta imbaerä, echa jei chupe reta: “YandeYa, Israel iTumpa jae ko pembaeyekou rami.”