JOSUÉ 17:6 - Biblia Guarani Tumpa Iñee

⁶ echa Manasés tayɨ reta pe oñemee vi ɨvɨ, jaɨe reta pe oñemee rami; jare ɨvɨ Galaad opɨta ïru Manasés iñemuña reta oyemboyaogüe peguarä.

JOSUÉ 17:6 ပူးပေါင်းရင်းမြစ်များ

EZEQUIEL 48:4

Manasés güɨnoita iɨvɨ, Neftalí iɨvɨ iyɨpɨ pe, kuaraɨ oëa kotɨ güive ɨguasu kotɨ.

JOSUÉ 13:29

Moisés omboyao vi ɨvɨ Manasés iñemuña reta oyemboyaogüe pe, jëtara ñavo rupi.

JOSUÉ 13:30

Manasés iñemuña reta oyemboyaogüe iɨvɨ, jae ko Mahanaim güive opaete Basán, opaete Og mburuvicha guasu Basán pegua imbae, jare opaete tëta raɨ reta Jair imbae Basán pe ñogüɨnoi vae, opareve sesenta tëta,

JOSUÉ 13:31

jare Galaad mbɨte rupi, jare tëta guasu Astarot jare Edrei, tëta guasu reta Basán pegua Og imbae. Opaete kuae ɨvɨ jae ko Manasés taɨ, Maquir iñemuña reta oyemboyaogüe peguarä, jëtara ñavo rupi.

JOSUÉ 17:5

Körai Manasés iñemuña reta omboresive ɨvɨ payandepo yemboyao, oyepapambae reve ɨvɨ Galaad jare Basán, ɨ̈aka Jordán jovaicho kotɨ ñogüɨnoi vae,

JOSUÉ 17:7

Manasés iñemuña reta iɨvɨ jembeɨ oyemboɨpɨ Aser güive Micmetat kotɨ, Siquem jóvai oï vae kotɨ, jare ojo arayevɨ kotɨ, Tapúa pe yogüɨreko vae reta kotɨ rupi.

JOSUÉ 22:7

Manasés iñemuña reta oyemboyaogüe pe Moisés omee vi yepe ɨvɨ, Basán pe. Ïru Manasés iñemuña reta oyemboyaogüe pe Josué omee ɨvɨ jëtara reta ipɨte pe, ɨ̈aka Jordán güi kuaraɨ oikea kotɨ; jökorai Josué omondo ye kuae ñemuña reta iɨvɨ ae kotɨ, opa ñee kavi jei chupe reta güire.