JOSUÉ 17:11 - Biblia Guarani Tumpa Iñee

¹¹ Manasés iñemuña reta güɨnoi vi tëta guasu reta; tëta guasu ñavo güɨnoi tëta raɨ raɨ, Isacar jare Aser iñemuña reta iɨvɨ pe jae ko: Bet-seán, Ibleam, Dor, Endor, Taanac jare Meguido, mboapɨ yemboyao ɨvɨ.

JOSUÉ 17:11 ပူးပေါင်းရင်းမြစ်များ

2 SAMUEL 21:12

ojo güeru Saúl jare taɨ Jonatán ikägüegüe, kuimbae reta tëta Jabes ɨvɨ Galaad pegua reta güi, echa jae reta ko oñomi tëta Bet-sán joka güi, filisteo reta ombosavavaa güi; filisteo reta oyuka yave Saúl, Gilboa pe.

1 REYES 9:15

Kuae jeko pegua mburuvicha guasu Salomón omee mborookuai oyeapo vaerä yandeYa itupao, mburuvicha guasu jo, Milo, Jerusalén ikësea, jökoraiño vi tëta Hazor, Meguido jare Gezer.

2 REYES 9:27

Ocozías, mburuvicha guasu Judá pegua oecha yave kuae oasagüe, otekuarai Bet-hagan kotɨ. Ërei Jehú oaɨkuemoña, jei: —¡Peyuka vi ikäretou pe! Ombopere reta ɨvɨtɨ Gur re yayeupía pe Ibleam jóvai, ërei jae otekuarai Meguido pe oväe regua. Joko pe omano.

1 CRÓNICAS 6:70

Opaete Coat iñemuña reta pe oataño oñemee vae pe oñemee tëta guasu reta Aner jare Bileam, mɨmba reta ikarúa renda ndive ndive, jae ko Manasés iñemuña oyemboyaogüe imbae.

1 CRÓNICAS 7:29

Manasés iñemuña reta ipo pe opɨta tëta Bet-seán, Taanac, Meguido jare Dor, iyɨvɨrigua tëta raɨ reta ndive ndive. Jókuae tëta reta rupi yogüɨreko José, Israel taɨ iñemuña reta.

2 CRÓNICAS 35:22

Ërei Josías ñäteɨ osɨrɨ, oipotañoi oñeraro jae ndive, mbaetɨ oendu Necao omondo jei chupe vae, jókuae ñee Tumpa güi etei ou vae. Jare ou oñeraro vaerä jae ndive Meguido pe.

SALMOS 83:10

Endor pe opa okañɨtei reta, jare jetegüe opa oyea ɨvɨ ndive tepoti rami.

JEREMÍAS 49:2

YandeYa jei: “Oväeta ara Amón iñemuña reta jëta guasu Rabá pe oyeendu vaerä sapúkai ñeraro pegua; oyepoepɨta tëtagüerä, jare pɨpegua tëta guasu reta opata oyeapɨ. Jayave Israel opɨ̈ro yeta jëta guasu reta oñepɨ̈ro chugüigüe. Che ndeYa ko jae kuae.

ZACARÍAS 12:11

Jókuae ara Jerusalén pe oimeta mbɨatɨtɨ tuichagüe, ɨvɨtɨ päu Meguido jee vae pe mbɨatɨtɨ tumpa-raanga Hadad-rimón re oyeapo rami.

JOSUÉ 11:2

jare mburuvicha guasu reta jókuae ɨvɨ güi ɨvɨtuguasu kotɨ ɨvɨtɨ guasu rupi jëta vae reta pe, jare Arabá kotɨ, íguasu Cineret güi arayevɨ kotɨ, ɨvɨpe kavi rupi yogüɨreko vae pe jare ɨvɨ Dor kotɨ kuaraɨ oikea kotɨ,

JOSUÉ 12:21

Taanac pegua, Meguido pegua,

JOSUÉ 12:23

Dor pegua, ɨvɨ Dor pe, Goim pegua, Gilgal pe,

JOSUÉ 16:9

Oime vi tëta guasu reta jare tëta raɨ reta oñemee reta iɨvɨ pe.

JOSUÉ 17:10

Efraín iñemuña reta opɨta ɨ̈aka raɨ güi arayevɨ kotɨ jare Manasés iñemuña reta opɨta ɨvɨtuguasu kotɨ jare Ɨguasu Mediterráneo güɨnoi reta iɨvɨ jembeɨrä jare Aser iñemuña reta iɨvɨ oï ɨvɨtuguasu kotɨ jare Isacar iñemuña reta ñogüɨnoi kuaraɨ oëa kotɨ.

JOSUÉ 17:16

Jare José iñemuña reta jei: —Ngaraa kuae ɨvɨ oreave; jare opaete cananeo reta ɨvɨpe kavi rupi yogüɨreko vae reta güɨnoi käretou jiero pegua, Bet-seán jare tëta raɨ reta rupi yogüɨreko vae jare ɨvɨtɨ päu Jezreel rupi yogüɨreko vae.

JUECES 1:27

Manasés iñemuña reta mbaetɨ ipuere opa omoë omombo tëta Bet-seán pegua reta, Taanac pegua reta, Dor pegua reta Ibleam pegua reta jare Meguido pegua reta; tëta raɨ reta jókuae tëta guasu reta iyɨ́vɨri rupigua ave mbaetɨ ipuere opa omoë reta omombo, jare cananeo reta jeiete yogüɨreko jókuae ɨvɨ pe.

JUECES 5:19

Jayave mburuvicha guasu reta yogüeru oñeraro, Taanac pe oñeraro mburuvicha guasu reta Canaán pegua, ɨupa Meguido pegua iyɨpɨ pe, ërei mbaetɨ opɨ̈ro reta korepoti yepe, ani mbaeyekou.

1 SAMUEL 28:7

Jayave Saúl jei iyɨvɨrigua reta pe: —Peeka cheve metei kuña güɨnoi mbaepuere oenɨi vaerä omanogüe jekove vae, che aja vaerä ípɨri jare jókuae kuña rupi aparandu vaerä. Jare iyɨvɨrigua reta jei chupe: —Endor pe oime metei kuña güɨnoi mbaepuere oenɨi vaerä omanogüe jekove vae.

1 SAMUEL 31:10

Jare oñono reta jembiporu ñeraro pegua itumpa Astarot itupao guasu pe, jare jetegüe ombosagüɨu reta tëta guasu Bet-sán ikësea re.

1 SAMUEL 31:12

opaete kuimbae reta jëia vae opüa jare iköe oguata reta jókuae pɨ̈tu, jare ombogüeyɨ reta tëta guasu Bet-sán ikësea güi Saúl jare taɨ reta jetegüe; güeru reta oapɨ Jabes pe.