JOSUÉ 17:1 - Biblia Guarani Tumpa Iñee

¹ Kuae ɨvɨ ko jae Manasés iñemuña reta omboresive suerte rupi vae; Manasés jae ko José taɨrɨpɨ. Maquir jae ko Manasés taɨrɨpɨ, jae ko Galaad tu. Maquir ko kuimbae ñeraro regua, omboresive iɨvɨrä Galaad jare Basán ɨ̈aka Jordán güi kuaraɨ oëa kotɨ.

JOSUÉ 17:1 ပူးပေါင်းရင်းမြစ်များ

GÉNESIS 41:51

Jare José taɨrɨpɨ ombojee Manasés, echa jei iyeupe: “Tumpa etei chemoakañɨ opaete tembiporara reta güi jare opaete cherëtara reta güi.”

GÉNESIS 41:52

Taɨ taɨkuegua ombojee Efraín, echa jei iyeupe: “Tumpa chemborɨ jare chemboyekou kuae ɨvɨ aiporaraa pe.”

GÉNESIS 46:20

Jare Asenat imembɨ José pe ɨvɨ Egipto pe vae jae ko: Manasés jare Efraín. Asenat jae ko Potifera sacerdote On pegua tayɨ.

GÉNESIS 48:17

Ërei José oecha ramboeve tu ipo iyakatu kotɨgua oñono Efraín iñäka re yave, mbaetɨ ipöra chupe; jare oipɨɨ tu ipo ombosɨrɨ vaerä Efraín iñäka güi oñono Manasés iñäka re.

GÉNESIS 48:18

José jei tu pe: —¡Cheru, agüɨye jökorai! Kuae ko jae tenondegua, jese eñono ndepo akatu.

GÉNESIS 50:23

José oecha Efraín taɨ jɨmɨmino reta; jaeramiño vi Maquir taɨ reta okuakuaa José iyɨ́vɨri. Maquir jae ko Manasés taɨ.

2 SAMUEL 2:9

jare joko pe omboguapɨ mburuvicha guasurä ɨvɨ Galaad re Gesuri re, Jezreel re, Efraín iñemuña reta re, Benjamín iñemuña reta re jare opaete Israel re.

1 CRÓNICAS 2:23

Ërei Gesur jare Aram opɨ̈ro Jair güi tëta guasu reta jare vi Kenat jare iyɨvɨrigua tëta raɨ reta; opaete reve sesenta. Opaete kuae reta jae ko Maquir iñemuña reta imbae, Maquir jae ko Galaad tu.

EZEQUIEL 47:13

Che peYa Tumpa jae körai: Köraita ko ɨvɨ jembeɨ pejäa oyoupe, doce ñemuña Israel iñemuña peiko vae. José togüɨnoi mókoi yemboyao.

EZEQUIEL 48:4

Manasés güɨnoita iɨvɨ, Neftalí iɨvɨ iyɨpɨ pe, kuaraɨ oëa kotɨ güive ɨguasu kotɨ.

NÚMEROS 26:29

Jare Manasés taɨ jeta oñemuña chugüi vae jae ko Maquir; jare Maquir taɨ ko Galaad;

NÚMEROS 27:1

Yogüeru Zelofehad tayɨ reta, jae ko Maala, Noa, Hogla, Milca jare Tirsa. Jae ko Manasés iñemuña reta. Zelofehad jae ko Hefer taɨ, Hefer jae ko Galaad taɨ, Galaad jae ko Maquir taɨ, Galaad jae ko Manasés taɨ, Manasés jae ko José taɨ.

NÚMEROS 32:33

Jökorai Moisés omee Gad iñemuña reta pe, Rubén iñemuña reta pe jare Manasés iñemuña reta oyemboyaogüe vae pe Sehón amorreo reta juvicha guasu iɨvɨ, jare Og mburuvicha guasu Basán pegua iɨvɨ, opaete tëta reta jare ko reta iyɨvɨrigua ndive.

DEUTERONOMIO 21:17

Omee tai ko chupe membɨrɨpɨ iyekourä vae, echa jae ko taɨrɨpɨ, iñemuña tenondegua ko. Metei ñavo iyekou güɨnoita vae güi tomee chupe mókoi ye.

JOSUÉ 17:2

Oyeapo vi suerte ɨvɨ oyemboyao vaerä ïru Manasés iñemuña reta peguarä, jëtara ñavo rupi: Abiezer taɨ reta, Helec taɨ reta, Asriel taɨ reta, Siquem taɨ reta, Hefer taɨ reta jare Semida taɨ reta; jae ko kuae Manasés taɨ reta, José jɨmɨmino reta.

JOSUÉ 22:7

Manasés iñemuña reta oyemboyaogüe pe Moisés omee vi yepe ɨvɨ, Basán pe. Ïru Manasés iñemuña reta oyemboyaogüe pe Josué omee ɨvɨ jëtara reta ipɨte pe, ɨ̈aka Jordán güi kuaraɨ oikea kotɨ; jökorai Josué omondo ye kuae ñemuña reta iɨvɨ ae kotɨ, opa ñee kavi jei chupe reta güire.

JUECES 5:14

Efraín iñemuña reta güi Amalec pe yogüɨreko vae amogüe kuimbae reta ogüeyɨ, jaɨkue yogüeru Benjamín iñemuña reta. Maquir iñemuña reta güi ogüeyɨ vi mburuvicha reta, Jökoraiño vi Zabulón iñemuña juvicha reta.