JOSUÉ 15:47 - Biblia Guarani Tumpa Iñee

⁴⁷ Tëta guasu Asdod, tëta reta ndive jare tëta raɨ raɨ ndive, jare tëta guasu Gaza, tëta reta ndive jare tëta raɨ raɨ ndive, ɨ̈aka Egipto kotɨ ojo oväe regua, jare Ɨguasu Mediterráneo jee vae jembeɨ.

JOSUÉ 15:47 ပူးပေါင်းရင်းမြစ်များ

1 REYES 5:4

Añave cheYa Tumpa omee cheve mbɨakatu opaete rupi; echa mbaetɨ tovaicho reta, mbaetɨ mbae ikavimbae güi yakɨɨye vaerä.

2 REYES 18:8

Omoamɨri vi filisteo reta Gaza kotɨ güɨraja güɨroväe regua; maeka ɨvate vae reta güive tëta guasu reta oñekëse kavi vae kotɨ.

2 CRÓNICAS 26:6

Jare oë oñeraro filisteo reta ndive jare ombosururu Gat ikësea, Jabnia jare Asdod ikësea, jare omopüa tëta guasu reta ɨvɨ Asdod pe, filisteo reta iɨvɨ pe.

ÉXODO 23:31

Ambojaanga peɨvɨ iyapɨ Ɨguasu Pɨ̈ta vae güive filisteo reta iɨguasu kotɨ, jare ñuu güive ɨ̈aka Éufrates kotɨ, echa añono pepo pe opaete jókuae ɨvɨ pe yogüɨreko vae reta, jare pe opata pemoë pemombo peyeugüi.

JEREMÍAS 47:1

YandeYa jei ñeemombeúa Jeremías pe filisteo reta regua, ndei Faraón omboai Gaza mbove:

JEREMÍAS 47:5

Gaza pegua reta opa ia oñapiasɨ, jare Ascalón pegua reta kïrii ngatu opɨta. Pe reta, puku vae iñemuñagüe reta, ¿kërai yave pa peyeasɨa poita, pepɨatɨtɨ pemboyekuaa jökorai vae güi?

SOFONÍAS 2:4

Tëta guasu Gaza opɨtata ipombae, jare tëta guasu Ascalón opɨtata kïrii ngatu; jare tëta guasu Asdod pegua reta opata oñerenoeuka oyemombo kuaraɨ ara mbɨte pe etei, tëta guasu Ecrón pegua reta opata oñemokañɨtei.

Hechos 8:26

Jayave metei yandeYa iaraɨgua jei Felipe pe: “Epüa ekua arayevɨ kotɨ tape Jerusalén güi ojo Gaza kotɨ vae rupi.” Kuae tape oasa ñuu rupi.

DEUTERONOMIO 2:23

Jare aveo reta yogüɨrekose tëta raɨ reta ojoi oya Gaza re vae, Caftor pegua reta yogüeru opa opɨ̈ro jëta jare jendagüe pe yogüɨreko, jae ko filisteo reta.)

JOSUÉ 11:22

Metei ave Anac iñemuña reta mbaetɨ opɨta Israel iñemuña reta iɨvɨ pe; jaeño opɨta reta Gaza pe, Gat pe jare Asdod pe.

JOSUÉ 13:3

Sihor, Egipto güi kuaraɨ oëa kotɨ oï vae güive Ecrón jembeɨ kotɨ ɨvɨtuguasu kotɨ, cananeo reta oyemombae jese vae; joko pe oime pandepo filisteo juvicha reta ñogüɨnoia, jae ko Gaza, Asdod, Ascalón, Gat jare Ecrón. Opɨta vi aveo reta iɨvɨ,

JOSUÉ 15:4

joko güi oasa Asmón kotɨ jare oë ɨ̈aka Egipto pegua rupi, jare iyapɨ ɨguasu pe. Kuae ko jae ɨvɨ jembeɨ arayevɨ kotɨ rupi.

JOSUÉ 15:46

jare Ecrón güi ɨguasu kotɨ, opaete köi ñogüɨnoi Asdod güi vae reta tëta raɨ raɨ ndive.

JOSUÉ 15:48

Jare ɨvɨtɨ guasu reta rupi tëta guasu reta ñogüɨnoi vae jae: Samir, Jatir, Soco,