JOSUÉ 14:4 - Biblia Guarani Tumpa Iñee

⁴ Echa José taɨ reta güi oyeapo mókoi ñemuña, Manasés jare Efraín; ërei mbaetɨ oyemboyao ɨvɨ Leví iñemuña reta pe, jaeño oñemee chupe reta tëta guasu reta yogüɨreko vaerä pɨpe jare iyɨ́vɨri jɨmba reta ikarúa rendarä.

JOSUÉ 14:4 ပူးပေါင်းရင်းမြစ်များ

GÉNESIS 41:51

Jare José taɨrɨpɨ ombojee Manasés, echa jei iyeupe: “Tumpa etei chemoakañɨ opaete tembiporara reta güi jare opaete cherëtara reta güi.”

GÉNESIS 41:52

Taɨ taɨkuegua ombojee Efraín, echa jei iyeupe: “Tumpa chemborɨ jare chemboyekou kuae ɨvɨ aiporaraa pe.”

GÉNESIS 46:20

Jare Asenat imembɨ José pe ɨvɨ Egipto pe vae jae ko: Manasés jare Efraín. Asenat jae ko Potifera sacerdote On pegua tayɨ.

GÉNESIS 48:1

Oasa güire kuae mbaembae, omombeu reta José pe tu imbaerasɨ oï vae. Jayave jae güɨraja mókoi reve taɨ reta, Manasés jare Efraín.

GÉNESIS 48:5

Añave, kuae mókoi nderaɨ reta, Efraín jare Manasés ɨvɨ Egipto pe oa ndeve vae reta; ndei ayu ɨvɨ Egipto pe ndépɨri mbove oa ndeve vae reta chembae ko; cheraɨ Rubén jare Simeón rami.

GÉNESIS 48:6

Jaɨkue rupi oa vae reta ramo toyogüɨreko ndembaerä; tɨkeɨ reta jee re, toñogüɨnoi mbae iyarä.

2 CRÓNICAS 30:1

Ezequías omondo oikuaauka opaete Israel pegua reta pe jare Judá pegua reta pe, oikuatía reve tupapire chupe reta, jae ko ɨvɨ Efraín pegua reta pe jare ɨvɨ Manasés pegua reta pe, yogüeru vaerä Jerusalén pe, yandeYa jo pe Pascua yandeYa pe oyapotaa pe, Israel iTumpa pe.

NÚMEROS 26:28

José taɨ reta jeta oñemuña chugüi vae jae ko: Manasés jare Efraín.

JOSUÉ 16:4

Körai Manasés jare Efraín iñemuña reta, José iñemuña reta omboresive ɨ́vɨ.