JOSUÉ 14:12 - Biblia Guarani Tumpa Iñee

¹² Jayave emee cheve jókuae ɨvɨtɨ guasu yandeYa imiari jese vae. Nde reikuaa jókuae ara rupi Anac iñemuña reta yogüɨreko joko pe vae, jare oime tëta guasu reta tuicha yae vae jare oñekëse kavi yae vae. Ërei aäro yandeYa oï vaerä che ndive, anoe vaerä amombo reta joko güi, yandeYa jei rami.”

JOSUÉ 14:12 ပူးပေါင်းရင်းမြစ်များ

2 REYES 19:4

Güɨramoi yandeYa Tumpa oendu opaete Rabsaces iñee reta, iya mburuvicha guasu Asiria pegua ombou iñeenguruasɨ katu vaerä Tumpa oikove avei vae kotɨ, oiporarauka vaerä iñee rupi; kuaekuae yandeYa Tumpa oendu. Jáeramo eyerure oimeño opɨtagüe reta re.”

2 CRÓNICAS 14:11

Jare Asa oyerure iYa Tumpa pe, jei: “CheYa, ndeve mbaetɨ yavai remborɨ vaerä imbaepuere vae ani mbaetɨ imbaepuere vae. ¡Oremborɨ oreYa Tumpa, echa nderé royeko, jare nderee re royu roñeraro vaerä kuae sundaro reta ndive! Nde oreYa jae ko oreTumpa. ¡Eechauka mbaetɨ ko kia ipuere oyovaicho nde ndive vae!”

SALMOS 44:3

Echa mbaetɨ opɨ̈ro reta kuae ɨvɨ ikɨsepuku ae pe, mbaetɨ ko iyɨva pe ave oyeepɨ reta. ¡Jaeño ko ndeyɨva jare ndembaepuere rupi! ¡Jembipe reyekuaa vae rupi, echa nde reaɨu yae reta!

SALMOS 60:12

Ndeporomborɨ rupi orepuere royapo mbae tuichagüe, ¡nde repɨ̈rota orerovaicho reta re!

NÚMEROS 13:28

Ërei ngatu jókuae ɨvɨ pegua reta imbaepuere yae vae ko, tëta tuichagüe ko jare oñekëse kavi yae vae reta ko; jare roecha vi joko pe Anac iñemuña reta.

NÚMEROS 13:33

Jare roecha vi joko pe kuimbae ipukugüe, Anac iñemuña reta, kuimbae puku vae iñemuña reta; jare ore romae oreyé tuku rami jae reta jóvai, jare jökorai vi jae reta omae oreré.

NÚMEROS 21:34

Jayave yandeYa jei Moisés pe: “Agüɨye ekɨɨye chugüi, echa amee ma ko ndepo pe, jae jare opaete isundaro reta, jare iɨvɨ; jare eyapo chupe, Sehón amorreo reta juvicha guasu pe reyapo rami, tëta Hesbón pe oikose vae.”

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

DEUTERONOMIO 1:28

Jare añave, ¿ketɨ pa yajata? Ñanerëtara reta omombeu kavi ma oechagüe, jei reta: Tëta tuicha yae jare imbaepuere yae vae ko, jare ikësea reta ɨvategüe, roecha vi Anac iñemuña reta. Opaete kuaekuae roendu yave oreiämondo yae.’

DEUTERONOMIO 9:1

Peyeapɨsaka, Israel iñemuña reta: Añave oväe ma peasa vaerä Jordán, peike vaerä pepɨ̈ro tëta guasu reta jeta yae pegüi vae, jare imbaepuere yae pegüi vae; tëtaguasu reta tuichagüe, jare ikësea ɨvate yae vae;

DEUTERONOMIO 9:3

Añave peikuaata yandeYa Tumpa ko ojo perenonde vae, jae ko tata opaetei oapɨ mbae oeya vae rami, jae ko omboaita jare omoamɨrita peróvai. Pe pemoëta pemombo jare pemboaita ɨmambae pegua, yandeYa güɨrökuavee peve rami.

Filipenses 4:13

Opaete chepuere ayapo Cristo re, echa jae chemomɨ̈rata.

Hebreos 11:33

iporogüɨrovia rupi opɨ̈ro reta mborookuaía reta, oyapo reta jupi vae, omboresive reta oñererökuavee chupe reta vae, jare oiyuruokua yaguapope reta,

JOSUÉ 15:14

Caleb güɨnoe omombo joko güi mboapɨ Anac iñemuña reta: Sesai, Ahimán jare Talmai.

JUECES 1:20

Caleb pe omee reta Hebrón, Moisés jei chupe rami, jare jae opa omoë omombo joko güi mboapɨ Anac iñemuña reta.

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.