JOSUÉ 13:6 - Biblia Guarani Tumpa Iñee

⁶ Opaete ɨvɨtɨ guasu rupi jëta vae reta, Líbano güive Misrefot-maim kotɨ, opaete Sidón pegua reta; che amboaita Israel iñemuña reta jenonde güi, jaeño nde emboyao ɨvɨ suerte rupi Israel iñemuña reta imbaerä, che royókuai rami.

JOSUÉ 13:6 ပူးပေါင်းရင်းမြစ်များ

SALMOS 80:8

Egipto güi reru temitɨ uva; opa renoe remombo tëtaguasu reta, jare joko pe reñotɨ jókuae uva.

NÚMEROS 33:54

Pemboyao peyeupe ɨvɨ suerte rupi, peñemuña ñavo rupi; jeta vae reta imbaerä pemee tuicha, jare mbovɨño vae reta imbaerä pemee michiño; suerte oaa pe toipɨɨ reta iyeupe; peru reta iñemuña rupi penoita.

JOSUÉ 1:6

Eñemomïrata jare eñemoäta ngatu, echa nde remboyaota kuae reta imbaerä, jókuae ɨvɨ arökuavee cheree re peñemuñagüe reta pe amee vaerä vae.

JOSUÉ 11:12

Jökoraiño vi Josué oyapo opaete ïru tëta guasu reta, tëta guasu Hazor ndive oyapo reta ñemoïru vae: Opɨ̈ro jare oyuka kɨsepuku pe opaete juvicha guasu reta, jare opa omboai Moisés, yandeYa jembiokuai oyókuai rami.

JOSUÉ 11:8

javoi yandeYa omee Israel iñemuña reta ipo pe, jare oyuka reta jare oaɨkuemoña reta güɨraja tëta guasu Sidón kotɨ, Misrefot-maim kotɨ, ɨvɨpe kavi Mizpa kotɨ, kuaraɨ oëa kotɨ jare oyuka reta oeyambae reve metei ave.

JOSUÉ 13:7

Emboyao añave kuae ɨvɨ chau ñemuña pe, jare Manasés iñemuña reta oyemboyaogüe pe.”

JOSUÉ 23:13

peikuaa voi, yandeYa ngaraa ye ma oekɨ güɨnoe omombo perenonde güi kuae tëtaguasu reta, yogüɨreko retata peve ñuai rami, pepɨ̈sa-yeyuka rami jese reta vaerä, yogüɨreko retata chikote rami peve, yogüɨreko retata peve ñurati rami peresa peguarä, opa regua pekañɨtei kuae ɨvɨ kavi yandeYa Tumpa omee peve vae güi.

JOSUÉ 23:4

Che amboyao ma peñemuña reta peguarä opaete kuae tëtaguasu reta suerte rupi, ɨ̈aka Jordán güive Ɨguasu Mediterráneo jee vae kotɨ, kuaraɨ oikea kotɨ; opaete kuae tëtaguasu reta oñepɨ̈rogüe, jaeramiño vi opaete ndeiño oñepɨ̈ro vae reta.

JOSUÉ 23:5

YandeYa Tumpa oekɨta omombo reta perenonde güi; jare pe reta peiketa penoi vaerä iɨvɨ reta, yandeYa Tumpa jei peve rami.