JOSUÉ 13:5 - Biblia Guarani Tumpa Iñee

⁵ Opɨta vi Gebal-ɨgua reta iɨvɨ, jare opaete Líbano kuaraɨ oëa kotɨ, Baal-gad güive, ɨvɨtɨ Hermón igüɨ pe, Hamat oyemboɨpɨa kotɨ.

JOSUÉ 13:5 ပူးပေါင်းရင်းမြစ်များ

1 REYES 5:18

Jare tupao iyapoa reta Salomón jare Hiram jembiokuai reta, jare kuimbae Gebal pegua reta, oyasɨa jare ombokavi reta ɨvɨra, jare oñopa reta ita reta tupao oñemopüa pɨpe vaerä.

1 REYES 8:65

Jókuae ara pe Salomón jare opaete Israel iñemuña reta, jetagüe yogüeru, Hamat güive ojoi oväe ɨ̈aka Egipto kotɨ yogüeru oyapo reta vaerä arete guasu küaraɨa pegua yandeYa Tumpa jóvai chiu ara pegua, jare ïru chiu ye ndive oupitɨ catorce ara arete.

SALMOS 83:7

Gebal, Amón jare Amalec, filisteo reta jare Tiro pegua reta,

ISAÍAS 10:9

Cheveguarä, oyovakeño ko tëta guasu Calno tëta guasu Carquemis ndive, tëta guasu Hamat oyovake ko tëta guasu Arfad ndive, tëta guasu Samaria oyovakeño ko tëta guasu Damasco ndive, tëta guasu amoamɨrigüe reta.

JEREMÍAS 52:9

Oipɨɨ reta jare güɨraja mburuvicha guasu Nabucodonosor jóvai, Ribla pe jae oïa pe, ɨvɨ Hamat pe. Joko pe Nabucodonosor jei Sedequías kotɨ kërai oiporarauka vaerä chupe.

EZEQUIEL 27:9

Kuimbae reta okuakuaa ma vae Gebal pegua, ipoki yae ma oparavɨkɨ vae reta oyapete ndeyoapɨa pɨa rupi; opaete barco jeroataa reta, ombaegua ndembaembae remee vae güi.

AMÓS 6:2

Pekua pemae tëta Calne pe; jare joko güi peasa tëta guasu Hamat kotɨ, jare pegüeyɨ vi tëta Gat filisteo reta jëta kotɨ. Pemae jókuae mborookuaía reta re, ¿ikavi yae ra pegüi? ¿Iɨvɨ tuicha ra peɨvɨ güi?

NÚMEROS 13:21

Jare jae reta yogüɨraja omae jókuae ɨvɨ re, ñuu Zin güive Rehob kotɨ, Hamat pe yaiketaa pe.

NÚMEROS 34:8

jare ɨvɨtɨ Hor güi pembojaangata Hamat pe yaikea pe, jare joko güi tojo toväe Zedad pe;

DEUTERONOMIO 1:7

Peyupavo jare pekua amorreo reta iɨvɨ ɨvɨtɨ katuai vae rupi, jare opaete iyɨ́vɨri rupigua ɨvɨ rupi: Arabá pegua ɨvɨtɨ katuai vae rupi, ñuu rupi, jare Neguev rupi, Ɨguasu Mediterráneo jembeɨ rupi, cananeo reta iɨvɨ pe jare Líbano, ɨ̈aka guasu Éufrates kotɨ peväe regua.

DEUTERONOMIO 3:25

Romoñera aasa vaerä aecha jókuae ɨvɨ ikavi yae vae, Jordán güi kutɨ oï vae, jókuae ɨvɨtɨ kavi jare Líbano.’

JOSUÉ 11:17

Ɨvɨtɨ Halac güive Seir kotɨ oyeupi ojo vae, Baal-gad kotɨ ɨvɨpe kavi oï Líbano pe vae rupi, ɨvɨtɨ Hermón igüɨ pe; Josué oipɨɨ jare oyuka opaete mburuvicha guasu reta jókuae ɨvɨ pegua,

JOSUÉ 11:3

jare cananeo reta kuaraɨ oëa kotɨgua jare kuaraɨ oikea kotɨgua pe, amorreo reta, heteo reta, ferezeo reta, jebuseo reta ɨvɨtɨ guasu rupi jëta vae reta pe, jare heveo reta ɨvɨtɨ guasu Hermón igüɨ pe yogüɨreko vae reta pe, ɨvɨ Mizpa pe.

JOSUÉ 12:7

Kuae ko jae mburuvicha guasu reta Josué jare Israel iñemuña reta omoamɨri ɨ̈aka Jordán güi kuaraɨ oikea kotɨ vae, Baal-gad ɨvɨtɨ päu Líbano pe oï vae güive, jare ɨvɨtɨ Halac kotɨ, Seir kotɨ oyeupi vae; jare Josué omboyao ɨvɨ Israel iñemuña reta pe imbaerä;