JOSUÉ 13:14 - Biblia Guarani Tumpa Iñee

¹⁴ Ërei Moisés mbaetɨ omee ɨvɨ Leví iñemuña reta pe, echa mɨmba oyeyuka oñemee yandeYa Tumpa pe vae ko jae reta imbaeyekou, jae etei jei chupe reta rami.

JOSUÉ 13:14 ပူးပေါင်းရင်းမြစ်များ

EZEQUIEL 44:28

Oimeta jae reta imbaeyekou: Che ko aikota chupe reta imbaeyekourä, ërei agüɨyeta oñemee imbaerä ɨvɨ chupe reta Israel pe. Echa che etei ko jae reta imbae.

EZEQUIEL 44:29

Mbota temitɨ jäɨgüe, mɨmba oyeyuka Tumpa iñɨ̈ro vaerä mbaeyoa re vae jare mɨmba oyeyuka mbaeyoa re vae güi tou reta, jare opaete mbaembae oñeñono tee Israel pe vae, jae reta imbaerä toiko.

DEUTERONOMIO 10:9

Jáeramo Leví iñemuña reta mbaetɨ güɨnoi ɨvɨ imbaerä jëtara reta ipɨte pe, jae reta imbae ko yandeYa etei; yandeYa Tumpa jei chupe reta rami.)

DEUTERONOMIO 12:12

Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 12:19

Peyeandu agüɨye vaerä pemombo Leví iñemuña reta, peikove peiko ramboeve jókuae ɨvɨ pe.

JOSUÉ 13:13

Ërei Israel iñemuña reta mbaetɨ omombo tëta Gesur jare Maaca pegua reta, kuae reta oime yogüɨreko añave rupi Israel iñemuña reta ipɨte pe.

JOSUÉ 13:15

Moisés omee ɨvɨ Rubén iñemuña reta pe, jëtara ñavo rupi.

JOSUÉ 13:33

Ërei Moisés mbaetɨ omee ɨvɨ Leví iñemuña reta imbaerä, echa jei chupe reta: “YandeYa, Israel iTumpa jae ko pembaeyekou rami.”

JOSUÉ 18:7

Ërei Leví iñemuña reta pe mbaetɨta ɨvɨ oyemboyao pepɨte pe, echa jae reta ko yogüɨrekota sacerdoterä yandeYa pe. Gad jare Rubén iñemuña reta jare Manasés iñemuña reta oyemboyaogüe oime ma güɨnoi reta iɨvɨ, ɨ̈aka Jordán jovaicho kotɨ kuaraɨ oëa kotɨ, Moisés yandeYa jembiokuai omee chupe reta vae.”