JOSUÉ 13:13 - Biblia Guarani Tumpa Iñee

¹³ Ërei Israel iñemuña reta mbaetɨ omombo tëta Gesur jare Maaca pegua reta, kuae reta oime yogüɨreko añave rupi Israel iñemuña reta ipɨte pe.

JOSUÉ 13:13 ပူးပေါင်းရင်းမြစ်များ

GÉNESIS 35:22

Jare Israel oiko ramboeve jókuae ɨvɨ pe, Rubén ojo güɨroke tu jembireko güɨrekoiño vae, Bilha jee vae; jare Israel ou oikuaa jókuae regua. Jayave opaete reve doce ko Israel taɨ reta.

2 SAMUEL 10:6

Jare Amón iñemuña reta oikuaa oñemotareɨuka yae David pe ramo, omondo güeruruka omboepɨ reve sundaro reta Siriaɨgua Bet-rehob pegua jare Soba pegua, veinte mil kuimbae reta ɨvɨ rupigua, jare mburuvicha guasu Maaca pegua mil kuimbae ndive, mburuvicha guasu Is-tob pegua doce mil kuimbae ndive.

2 SAMUEL 3:3

jare mokoía ko jee Quileab, Abigail imembɨ, jae ko Nabal amɨri Carmel pegua jembirekogüe; mboapɨa jee Absalón, Maaca imembɨ; Maaca ko Talmai mburuvicha guasu Gesur pegua tayɨ;

NÚMEROS 33:55

Ërei mbaetɨ yave penoe pemombo peyeugüi jókuae ɨvɨ pegua reta, jókuae opɨtagüe reta yogüɨrekota peve yepea jaɨgüe peresa pe oï rami, ani ñurati rami peɨke re, jare oiporaraukata peve kuae ɨvɨ peikota pɨpe vae pe;

DEUTERONOMIO 3:14

Manasés iñemuña pegua Jair opɨ̈ro opaete ɨvɨ Argob ojoi oya Gesur jare Maaca iɨvɨ jembeɨ re, jare ombojee Basán-havot-jair, añave regua.

JOSUÉ 12:5

Jare oporookuaise ɨvɨtɨ Hermón pe, Salca pe, opaete Basán güive Gesur jare Maaca jembeɨ pe, jare Galaad mbɨte rupi, Sehón, mburuvicha guasu Hesbón pegua iɨvɨ pe.

JOSUÉ 13:11

Ɨvɨ Galaad jare tëta Gesur jare Maaca pegua reta iɨvɨ, jare opaete ɨvɨtɨ Hermón, jare opaete ɨvɨ Basán, Salca kotɨ,

JOSUÉ 13:12

jare opaete Og iporookuaía Basán pe, kuae oiko mburuvicha guasurä Astarot pe jare Edrei pe, jae ko refaita reta güi jembɨregüe, kuae reta Moisés opa omoamɨri jare omombo iɨvɨ güi.

JOSUÉ 13:14

Ërei Moisés mbaetɨ omee ɨvɨ Leví iñemuña reta pe, echa mɨmba oyeyuka oñemee yandeYa Tumpa pe vae ko jae reta imbaeyekou, jae etei jei chupe reta rami.

1 SAMUEL 27:8

Jare David oë jupiegua kuimbae reta ndive oporepeña jókuae ɨvɨ pe filisteo reta yogüɨreko vae re, jae ko tëta Gesur, Gezer jare Amalec iñemuña reta, Telaim güive Shur rape kotɨ jare Egipto kotɨ.