JOSUÉ 12:7 - Biblia Guarani Tumpa Iñee

⁷ Kuae ko jae mburuvicha guasu reta Josué jare Israel iñemuña reta omoamɨri ɨ̈aka Jordán güi kuaraɨ oikea kotɨ vae, Baal-gad ɨvɨtɨ päu Líbano pe oï vae güive, jare ɨvɨtɨ Halac kotɨ, Seir kotɨ oyeupi vae; jare Josué omboyao ɨvɨ Israel iñemuña reta pe imbaerä;

JOSUÉ 12:7 ပူးပေါင်းရင်းမြစ်များ

GÉNESIS 14:6

jare ɨvɨtɨ Seir jee vae pe omoamɨri horeo reta, jare omoña reta ɨvɨpe kavi Parán pe oï vae kotɨ, kuae ko oï ɨvɨ ipombae vae jembeɨ pe.

GÉNESIS 32:3

Jare Jacob oïa güi omondo ñee jerajaa reta tɨkeɨ Esaú pe, ɨvɨ Seir pe Edom pegua pe,

GÉNESIS 36:20

Seir horeo taɨ reta yogüɨreko jókuae ɨvɨ pe vae jae ko: Lotán, Sobal, Zibeón, Aná,

GÉNESIS 36:30

Disón, Ezer Jare Disán; kuae reta jae ko horeo reta juvicha, jëtara ñavo re ɨvɨ Seir pe.

GÉNESIS 36:8

Jare Esaú oñemoëta ɨvɨtɨ Seir pe; Esaú jae ko Edom.

SALMOS 135:11

Sehón, amorreo reta juvicha guasu, Og, mburuvicha guasu Basán pegua, jare opaete mburuvicha guasu Canaán pegua.

DEUTERONOMIO 2:1

Jaɨkue rupi yaja ye ñuu pe, tape Ɨguasu Pɨ̈ta vae kotɨ ojo vae rupi, yandeYa jei cheve rami, jare yayere yaiko ɨvɨtɨ reta Seir re, ɨma año rupi.

DEUTERONOMIO 2:4

Eyókuai opaete vae, rere reve: Peasa perëtara Esaú iñemuña reta Seir pe yogüɨreko vae iɨvɨ rupi, jae reta okɨɨyeta pegüi, ërei ngatu peyeandu.

JOSUÉ 11:17

Ɨvɨtɨ Halac güive Seir kotɨ oyeupi ojo vae, Baal-gad kotɨ ɨvɨpe kavi oï Líbano pe vae rupi, ɨvɨtɨ Hermón igüɨ pe; Josué oipɨɨ jare oyuka opaete mburuvicha guasu reta jókuae ɨvɨ pegua,

JOSUÉ 11:23

Josué opɨ̈ro opaete ɨvɨ, yandeYa jei Moisés pe vae rami; jare omboyao Israel iñemuña reta imbaerä, ñemuña reta ñavo pe. Jökorai oputuu reta ñeraro güi jókuae ɨvɨ pe.

JOSUÉ 3:17

Ërei sacerdote reta, yandeYa ikäjou morogüɨrökuavee päve pegua güɨraja vae reta ñogüɨnoi otini vae pe, ɨ̈aka Jordán mbɨte pe, opaete vae oasa regua; jare opaete Israel iñemuña reta oasa ɨvɨ otini vae rupi.

JOSUÉ 9:1

Opaete kuae mbaembae oendu yave mburuvicha guasu reta ɨ̈aka Jordán jovaicho pe kuaraɨ oikea kotɨ yogüɨreko vae reta, ɨvɨtɨ guasu rupi, ɨvɨpe kavi rupi jare opaete ïguasu Mediterráneo jembeɨ rupi Líbano jóvai yogüɨreko vae reta, heteo reta, amorreo reta, cananeo reta, ferezeo reta, heveo reta jare jebuseo reta,