JOSUÉ 12:6 - Biblia Guarani Tumpa Iñee

⁶ Moisés jare Israel iñemuña reta omoamɨri kuae mburuvicha guasu reta, jare Moisés omee kuae ɨvɨ reta Rubén jare Gad iñemuña reta imbaerä, jare Manasés iñemuña oyemboyaogüe reta imbaerä.

JOSUÉ 12:6 ပူးပေါင်းရင်းမြစ်များ

1 REYES 4:19

Geber, Uri taɨ oï mburuvicharä ɨvɨ Galaad pe, Sehón amorreo reta juvicha guasu jare Og, Basán pegua mburuvicha guasu iɨvɨ pe. Jae ko metei ɨvɨ ruvicha opaete pegua ɨvɨ re.

NÚMEROS 32:29

—Opaete Rubén jare Gad iñemuña reta oasa yave pe reta ndive Jordán, jembiporu reve reve oñeraro reta vaerä yandeYa jenonde, jókuae ɨvɨ opa ma pepɨ̈ro yave, pe reta pemee jae reta imbaerä ɨvɨ Galaad.

NÚMEROS 32:32

Toroasa orerembiporu ñeraro pegua reve reve yandeYa jenonde ɨvɨ Canaán kotɨ, jare topɨta orembaerä kuae ɨvɨ oï ɨ̈aka Jordán jovaicho pe vae.

NÚMEROS 32:33

Jökorai Moisés omee Gad iñemuña reta pe, Rubén iñemuña reta pe jare Manasés iñemuña reta oyemboyaogüe vae pe Sehón amorreo reta juvicha guasu iɨvɨ, jare Og mburuvicha guasu Basán pegua iɨvɨ, opaete tëta reta jare ko reta iyɨvɨrigua ndive.

JOSUÉ 14:3

Echa Rubén jare Gad iñemuña reta pe jare Manasés iñemuña reta oyemboyaogüe pe Moisés omboyao ma ɨ̈aka Jordán jovaicho kotɨ; ërei Leví iñemuña reta pe mbaetɨ omboyao ɨvɨ.

JOSUÉ 18:7

Ërei Leví iñemuña reta pe mbaetɨta ɨvɨ oyemboyao pepɨte pe, echa jae reta ko yogüɨrekota sacerdoterä yandeYa pe. Gad jare Rubén iñemuña reta jare Manasés iñemuña reta oyemboyaogüe oime ma güɨnoi reta iɨvɨ, ɨ̈aka Jordán jovaicho kotɨ kuaraɨ oëa kotɨ, Moisés yandeYa jembiokuai omee chupe reta vae.”

JOSUÉ 22:4

Añave, yandeYa Tumpa omee perëtara reta pe yogüɨreko pɨagüive vaerä, jae güɨrökuavee rami, peyerova ye peteyupa pe, peɨvɨ ae kotɨ, Moisés, yandeYa jembiokuai omee peve ɨ̈aka Jordán jovaicho kotɨ vae pe.