JOSUÉ 12:1 - Biblia Guarani Tumpa Iñee

¹ Kuae ko jae mburuvicha guasu reta Israel iñemuña reta omoamɨri ɨ̈aka Jordán güi kuaraɨ oëa kotɨ vae, jare ɨvɨ opɨ̈rogüe reta, ɨ̈aka Arnón güive ɨvɨtɨ Hermón kotɨ, opaete ɨvɨpe kavi Arabá ndive, kuaraɨ oëa kotɨ:

JOSUÉ 12:1 ပူးပေါင်းရင်းမြစ်များ

1 REYES 4:19

Geber, Uri taɨ oï mburuvicharä ɨvɨ Galaad pe, Sehón amorreo reta juvicha guasu jare Og, Basán pegua mburuvicha guasu iɨvɨ pe. Jae ko metei ɨvɨ ruvicha opaete pegua ɨvɨ re.

SALMOS 133:3

Ɨsápɨi ɨvɨtɨ Hermón re rami, oa ɨvɨtɨ reta Sión re. Echa joko pe yandeYa ombou mborerekua jare tekove opambae vae.

SALMOS 136:21

jare jae reta iɨvɨgüe omee imbae vae reta imbaerä, echa iporoparareko jekuae avei vae ko.

SALMOS 89:12

Nde ko reyapo ɨvɨtuguasu jare arayevɨ; ɨvɨtɨ guasu Tabor jare Hermón otairari reta nderee re.

ISAÍAS 16:2

Moab pegua reta oasa ɨ̈aka Arnón tɨpɨmbaea rupi yave, güɨra okɨɨyegüe oë otekuarai jaitɨ güi rami ko.

NÚMEROS 21:13

Joko güi opa yogüɨraja oyembojeyupa ɨ̈aka Arnón jee vae jovaicho pe. Jókuae ɨ̈aka ou ñuu amorreo reta iɨvɨ kotɨ güi oë vae pe; echa jókuae ɨ̈aka Arnón ko oï omboyao vaerä Moab jare amorreo reta iɨvɨ.

NÚMEROS 21:21

Jayave Israel iñemuña reta omondo jekovia pe kuimbae reta imiari vaerä Sehón amorreo reta juvicha guasu ndive, jei reve:

NÚMEROS 21:24

Ërei Israel iñemuña reta omoamɨri jare opɨ̈ro iɨvɨ chugüi ɨ̈aka Arnón güive ɨ̈aka Jaboc kotɨ, Amón iñemuña reta iɨvɨ jembeɨ pe; echa Amón iñemuña reta oyangareko kavi yae iɨvɨ jembeɨ re.

NÚMEROS 32:19

Echa ngaraa roipɨɨ oreyeupe ɨvɨ jae reta ndive, Jordán jovaicho kotɨ, echa ore oimeta ma rogüɨnoi oreɨvɨ ae kuae kotɨ, Jordán jovaicho pe, kuaraɨ oëa kotɨ.

NÚMEROS 32:32

Toroasa orerembiporu ñeraro pegua reve reve yandeYa jenonde ɨvɨ Canaán kotɨ, jare topɨta orembaerä kuae ɨvɨ oï ɨ̈aka Jordán jovaicho pe vae.

NÚMEROS 32:33

Jökorai Moisés omee Gad iñemuña reta pe, Rubén iñemuña reta pe jare Manasés iñemuña reta oyemboyaogüe vae pe Sehón amorreo reta juvicha guasu iɨvɨ, jare Og mburuvicha guasu Basán pegua iɨvɨ, opaete tëta reta jare ko reta iyɨvɨrigua ndive.

DEUTERONOMIO 2:24

‘¡Tumpa jei: Pepüa jare peasa ɨ̈aka Arnón! Che ko amee pepo pe amorreo Sehón mburuvicha guasu Hesbón pegua, jare iɨvɨ. ¡Pemboɨpɨ pepɨ̈ro ɨvɨ, peñeraro jae ndive!

DEUTERONOMIO 2:32

Jare Sehón oë oñeraro vaerä yande ndive opaete isundaro reta ndive Jahaza pe;

DEUTERONOMIO 3:1

Jaɨkue rupi yayeupi tape Basán kotɨ ojo vae rupi, jare Og mburuvicha guasu Basán pegua oë yandeve opaete isundaro ndive oñeraro vaerä yande ndive Edrei pe.

DEUTERONOMIO 4:44

Kuae jae mborookuai reta Moisés omee Israel iñemuña reta pe vae.

DEUTERONOMIO 4:46

Jordán güi kuaraɨ oëa kotɨ ñogüɨnoi ñuu Bet-peor pe yave, Sehón iɨvɨ pe, Sehón ko jae amorreo reta juvicha guasu Hesbón pe oikose vae, jae ko Moisés jare Israel iñemuña reta omoamɨri Egipto güi ñogüɨnoe yave vae.

DEUTERONOMIO 4:48

Aroer oï ɨ̈aka Arnón iyɨ́vɨri vae güive ojoi oväe ɨvɨtɨ Sión kotɨ, jae ko Hermón.

JOSUÉ 1:15

yandeYa omee ɨvɨ perëtara reta pe vae pe, yogüɨreko pɨagüive regua, peve omee rami, jae reta togüɨnoi vi ɨvɨ, yandeYa Tumpa omeeta chupe reta vae; jaɨkue rupi peyerova ye peɨvɨ kotɨ peiko ete vaerä pɨpe, kuae ɨ̈aka Jordán jovaicho kotɨ, kuaraɨ oëa kotɨ, Moisés, yandeYa jembiokuai omee peve vae pe.

JOSUÉ 11:17

Ɨvɨtɨ Halac güive Seir kotɨ oyeupi ojo vae, Baal-gad kotɨ ɨvɨpe kavi oï Líbano pe vae rupi, ɨvɨtɨ Hermón igüɨ pe; Josué oipɨɨ jare oyuka opaete mburuvicha guasu reta jókuae ɨvɨ pegua,

JOSUÉ 11:3

jare cananeo reta kuaraɨ oëa kotɨgua jare kuaraɨ oikea kotɨgua pe, amorreo reta, heteo reta, ferezeo reta, jebuseo reta ɨvɨtɨ guasu rupi jëta vae reta pe, jare heveo reta ɨvɨtɨ guasu Hermón igüɨ pe yogüɨreko vae reta pe, ɨvɨ Mizpa pe.

JOSUÉ 13:8

Echa Rubén jare Gad iñemuña reta jare Manasés iñemuña reta oyemboyaogüe güɨnoi reta ma iɨvɨ, Moisés omee chupe reta ɨ̈aka Jordán jovaicho kotɨ, kuaraɨ oëa kotɨ.

JOSUÉ 22:4

Añave, yandeYa Tumpa omee perëtara reta pe yogüɨreko pɨagüive vaerä, jae güɨrökuavee rami, peyerova ye peteyupa pe, peɨvɨ ae kotɨ, Moisés, yandeYa jembiokuai omee peve ɨ̈aka Jordán jovaicho kotɨ vae pe.

JUECES 11:18

Jaɨkue rupi yogüɨraja reta ñuu rupi, opa oyere Edom iɨvɨ re jare Moab re, yogüɨraja regua oväe Moab güi kuaraɨ oëa kotɨ, jare joko pe oyembojeyupa reta ɨ̈aka Arnón jovaicho pe. Ërei mbaetɨ oasa reta, echa joko güi oyemboɨpɨ Moab iɨvɨ.