JOSUÉ 11:6 - Biblia Guarani Tumpa Iñee

⁶ Ërei yandeYa jei Josué pe: “Agüɨye ekɨɨye chugüi reta, echa pɨareve koyave etei che opata amee pepo pe, jare ikavayu reta ipɨ opa peakɨo jare ikäretou reta opa peapɨ.”

JOSUÉ 11:6 ပူးပေါင်းရင်းမြစ်များ

2 SAMUEL 8:4

Chugüi reta David oipɨɨ mil seteciento kuimbae kavayu regua, jare veinte mil kuimbae ɨvɨ rupigua; jare opaete kavayu reta käretou ñeraro pegua regua opa oitɨmaka rakɨo, jaeño omoembɨre cien käretou peguarä.

2 REYES 6:16

Eliseo jei chupe: —Agüɨye ekɨɨye, echa jeta ko yande ndive ñogüɨnoi vae, jae reta ndive ñogüɨnoi vae güi.

2 CRÓNICAS 20:16

Pɨareve pegüeyɨ peñeraro jae reta ndive, jae reta oyeupita yogüeru ɨvɨtɨ Sis ikúa rupi, peövaitita ɨ̈aka jembeɨ pe, ñuu Jeruel jóvai.

SALMOS 46:10

“¡Peñemokïrii! ¡Peikuaa che ko jae Tumpa! ¡Che ko aï opaete tëtaguasu reta iárambo! ¡Chetuicha yaeta opaete ɨvɨ iárambo!”

SALMOS 46:11

¡YandeYa imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 46:9

Omombɨta ñeraro opaete ɨvɨ rupi; omopë güɨrapa reta, oakɨo mii reta, jare, ¡opa oapɨ tata pe käretou ñeraro pegua reta!

PROVERBIOS 20:7

¡Kuimbae jupi rupi kavi oiko vae, taɨgüe reta oyerovia katu reve kavi yogüɨrekota jae jaɨkue rupi!

ISAÍAS 30:16

jaeño pere: “Ani, rotekuaraita ko kavayu re.” Petekuaraita ko jökorai, añete. Pere vi: “Ropota kavayu reta iñäkua vae re.” Ërei peraɨkuemoña vae reta iñäkua yaeta vi ko.

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

EZEQUIEL 39:9

Tëta guasu reta Israel pegua pe yogüɨreko vae reta, ñogüɨnoeta opa oapɨ reta tembiporu reta ñeraro pegua, yeopiaka, güɨrapa jare uvɨ, mii jare mii raɨ; oapɨ retata yogüɨreko chiu año rupi.

OSEAS 14:3

Asiria pegua reta ngaraa ipuere orereroasayepe, ngaraa vi orepuere rotekuarai kavayu re. Ngaraa ye ma roe ‘oretumpa’, mbae iä royapo orepo pe vae pe, oreYa, ndeño reiparareko tɨ̈reɨ.”

NAHUM 2:13

YandeYa Imbaepuere yae ete vae jei: “Ko añemopüa ndekotɨ: Opata aapɨ nekäretou ñeraro pegua reta, opata ayapo tätatirä; opata ayuka nderaɨ reta; opata amokañɨ maeñomi oime ndeɨvɨ pe vae, jare ngaraa ye ma oyeendu neñee jerajaa reta iñee.”

DEUTERONOMIO 7:16

Ërei pemboai opaete tëta guasu reta yandeYa Tumpa omee pepo pe vae; agüɨye peɨ̈ro chupe reta, agüɨye peyeokuai itumpa reta pe, echa pererokomeguata ko.

JOSUÉ 10:8

jare yandeYa jei Josué pe: “Agüɨye ekɨɨye chugüi reta, echa che amee ndepo pe, metei ave chugüi reta ngaraa ipuere oñeraro nde ndive.”

JOSUÉ 11:5

Opaete kuae mburuvicha guasu reta oyomboatɨ, jare yogüeru oyembojeyupa ɨupa Merom iyɨvɨri, oñeraro reta vaerä Israel iñemuña reta ndive.

JOSUÉ 11:7

Jayave Josué jare opaete kuimbae ñeraro regua reta ndive ñogüɨnoe chupe reta iparanoe ɨupa Merom jembeɨ pe,

JOSUÉ 11:9

Josué oyapo yandeYa oyókuai rami, echa opa oakɨo jovaicho reta ikavayu ipɨ jare ikäretou reta opa oapɨ.

JOSUÉ 3:5

Jare Josué jei opaete vae pe: “Peñeñono tee Tumpa pe, echa pɨareve yandeYa oyapota mɨakañɨ pepɨte pe.”

JUECES 20:28

jare sacerdote Finees, Eleazar taɨ, Aarón jɨmɨmino oyapo mbaravɨkɨ jókuae ara), jei reta chupe: “¿Rojo yeta pa roñeraro orerëtara Benjamín iñemuña reta ndive ani mbaetɨta pa?” Jare yandeYa jei chupe reta: “Pekua, echa pɨareve che opata amee pepo pe.”

JUECES 7:9

Jayave jókuae pɨ̈tu yandeYa jei chupe: “Epüa, jare egüeyɨ teyupa kotɨ; echa che ko amee reta ndepo pe.

1 SAMUEL 11:9

Jare jei jókuae ñee jerajaa yogüeru ñee omombeu vae reta ndive: —Körai pere Jabes pegua reta pe Galaad pe: “Pɨareve kuaraɨ ara mbɨte yave poepɨta.” Ñee jerajaa reta yogüɨraja jare omombeu Jabes pegua reta pe, jare jae reta täta oyerovia.