JOSUÉ 11:23 - Biblia Guarani Tumpa Iñee

²³ Josué opɨ̈ro opaete ɨvɨ, yandeYa jei Moisés pe vae rami; jare omboyao Israel iñemuña reta imbaerä, ñemuña reta ñavo pe. Jökorai oputuu reta ñeraro güi jókuae ɨvɨ pe.

JOSUÉ 11:23 ပူးပေါင်းရင်းမြစ်များ

NEHEMÍAS 9:24

Jare jae reta oike opɨ̈ro ɨvɨ Canaán, jare remomichi jae reta jóvai opaete kuae ɨvɨ pegua reta, juvicha guasu reta, opaete kuaeɨgua reta, jökorai jae reta oyapo vaerä chupe ipɨa jemimbota.

SALMOS 46:9

Omombɨta ñeraro opaete ɨvɨ rupi; omopë güɨrapa reta, oakɨo mii reta, jare, ¡opa oapɨ tata pe käretou ñeraro pegua reta!

ÉXODO 34:11

Peyapo che poyókuai añave vae; mase, che amoëta amombo perenonde güi amorreo reta, cananeo reta, heteo reta, ferezeo reta, heveo reta jare jebuseo reta.

EZEQUIEL 45:8

Kuae ɨvɨ güɨnoita mburuvicha reta Israel pegua imbaerä; jökorai ngaraa ye ma mburuvicha reta güɨrekoasɨ katu chembae vae reta, omaeiño retata Israel iñemuña reta pe ɨvɨ oñemee ñemuña ñavo rupi vae re.

DEUTERONOMIO 1:38

Josué, Nun taɨ ndemborɨ vae, jae oiketa nderekovia pe jókuae ɨvɨ pe, emoäta ngatu, echa jae omeeta ɨvɨ Israel iñemuña reta pe.

DEUTERONOMIO 25:19

Jáeramo, yandeYa Tumpa omee ma peputuu vaerä opaete perovaicho reta peɨ́vɨri ñogüɨnoi vae güi yave, jókuae ɨvɨ omee pembaerä vae pe peï ma yave, pemboai Amalec iñemuña reta jee ɨvɨ iárambo güi. ¡Agüɨye peakañɨ!

JOSUÉ 11:18

ɨma año rupi oñeraro jókuae mburuvicha guasu reta ndive güire.

JOSUÉ 12:7

Kuae ko jae mburuvicha guasu reta Josué jare Israel iñemuña reta omoamɨri ɨ̈aka Jordán güi kuaraɨ oikea kotɨ vae, Baal-gad ɨvɨtɨ päu Líbano pe oï vae güive, jare ɨvɨtɨ Halac kotɨ, Seir kotɨ oyeupi vae; jare Josué omboyao ɨvɨ Israel iñemuña reta pe imbaerä;

JOSUÉ 18:10

Jayave Josué omboyao ɨvɨ suerte rupi yandeYa jóvai Silo pe, jökorai omboyao ɨvɨ Israel iñemuña reta imbaerä.

JOSUÉ 22:4

Añave, yandeYa Tumpa omee perëtara reta pe yogüɨreko pɨagüive vaerä, jae güɨrökuavee rami, peyerova ye peteyupa pe, peɨvɨ ae kotɨ, Moisés, yandeYa jembiokuai omee peve ɨ̈aka Jordán jovaicho kotɨ vae pe.

JOSUÉ 23:1

Ɨma ma yandeYa omee yogüɨreko pɨagüive Israel iñemuña reta opaete jovaicho iyɨvɨrigua reta güi yave, jare Josué indechi yae ma yave,